සර්පයකු විසින් සපාකෑමෙන් මියගිය කේරළ ප්‍රාන්තයේ කාන්තාවකගේ මරණය ඔහුගේ සැමියා විසින් සිදු කරනු ලැබූ ඝාතනයක් යැයි ඉන්දියානු අධිකරණය ප්‍රකාශ කර තිබෙනවා.
සර්පයන් හසුරුවන්නෙකු සහ වනජීවී විශේෂඥයකු වන 27 හැවිරිදි සුරාජ් නමැති තැනැත්තා සිය බිරිඳ නිදන කාමරය තුළ නාගයකු යොදා ගෙන ඝාතනය කර ඇති බව සඳහන් වෙනවා.
මිනීමැරුම් චෝදනාවලට අමතරව විස ප්‍රහාරයක් එල්ල කර බිරිඳ ඝාතනයට තැත්කිරීම, වස පානය කිරීම, සාක්ෂි විනාශ කිරීම යන චෝදනා යටතේ ද අධිකරණය ඔහුට දඳුවම් නියම කර ඇති බවයි සඳහන් වෙන්නේ.
25 හැවිරිදි උත්තරා නම් මෙම කාන්තාව සිය සැමියාගේ කුමන්ත්‍රණයකින් ඝාතනය වී ඇත්ත්තේ පසු ගිය මැයි මාසයේ දීය.
වින්දිතයාගෙ මව පවසා ඇත්තේ සිය පුතා සහ ලේලිය රාත්‍රී කෑම ගැනීමෙන් පසු එකට නින්දට ගිය බවත් පසු දා සිය පුතා ප්‍රමාද වී අවදි වූ බවයි.
උත්තරා නිදන කාමරය තුළ සිහිසුන්ව සිටිනු ඇය දුටු බව ඇය සඳහන් කර තිබෙනවා.
පසුව ඇගේ දෙමවිපියන් පැමිණ කාමරය පරීක්ෂා කරන විට ද ඇයට දෂ්ඨ කළ නාගයා කාමරය තුළ රැඳී සිට ඇති බව පැවසෙනවා.
