දකුණු ආසියාවේ උසම ගොඩනැගිල්ල ලෙසට හඳුන්වන නෙළුම් කුළුණ ජනතා අයිතියට පත් කර ගත වූ මාසය තුළදී රුපියල් ලක්ෂ 900 ක ආදායමක් හිමිවී ඇතැයි නෙළුම් කුළුණ පෞද්ගලික සමාගමේ ප්‍රධාන විධායක නිලධාරී විශ්‍රාමික මේජර් ජෙනරාල් ජෙනරාල් ප්‍රසාද් සමරසිංහ පවසනවා.
එය නැරඹීම සඳහා දේශීය සහ විදේශීය සංචාරකයන්165,000ක් පමණ පැමිණ ඇතැයි ද ප්‍රධාන විධායක නිලධාරිවරයා පෙන්වා දෙනවා.
එකී ආදායම හිමිවී ඇත්තේ නැරඹීම සඳහා පැමිණෙන අය මිලදී ගත් ප්‍රවේශ පත්‍ර වලින් සහ එහි අභ්‍යන්තරයේ පිහිටි විවිධ ආයතනවලින් ලබාගත් පහසුකම්වලින් බවයි ඔහු පවසන්නේ.
නෙළුම් කුළුණ ජනතා අයිතියට පත් කළ ඉකුත් සැප්තැම්බර් 15 වැනි දින පළමු දිනයේ දී විදේශිකයන් 21 දෙනකු ඇතුළු පුද්ගලයන් 2612 නැරඹීමට පැමිණි අතර රුපියල් ලක්ෂ 15ක ආදායමක් ලබාගෙන තිබූ බව නෙළුම් කුළුණ පෞද්ගලික සමාගම පවසනවා.
