25 C
Colombo
Sunday, March 16, 2025

නමක් ගමක් දන්නෑ; හැබැයි ජෙට් යානය දුන්නේ මිත‍්‍රයෙක් – යෝෂිත රාජපක්ෂ

- Advertisement -

දෙසැම්බර් 23 වැනි දින තිරුපති ජාත්‍යන්තර ගුවන්තොටුපළේදී නිල් පැහැති Embraer Legacy 600 ව්‍යාපාරික ජෙට් යානයකින් බැස යන අග්‍රාමාත්‍ය මහින්ද රාජපක්ෂ මහතාගේ ඡායාරූප සමාජ මාධ්‍ය සහ ප්‍රවෘත්ති වෙබ් අඩවි කිහිපයක ආන්දෝලනාත්මක ලෙස සංසරණය වීමෙන් පසුව, අග්‍රාමාත්‍යවරයාට ඔහුගේ ප්‍රයෝජනය සඳහා එම ජෙට් යානය එහි හිමිකරු විසින් කිසිඳු අයකිරීමකින් තොරව ලබාදී ඇති බව ද මෝනින් පුවත්පත වාර්තා කරනවා.

අග්‍රාමාත්‍ය මාණ්ඩලික ප්‍රධානී යෝෂිත රාජපක්ෂ මහතා The Morning වෙත අදහස් දක්වමින් පවසා ඇත්තේ අග්‍රාමාත්‍යවරයාගේ වන්දනා චාරිකාවක් ද ඇතුළත් පෞද්ගලික දෙදින සංචාරයක් වෙනුවෙන් මෙම ජෙට් යානය සුහදතාවය මත ලබාදී ඇති බවයි.

“අග්‍රාමාත්‍යවරයාගේ යාළුවෙක් ඔහුගේ තිරුපති ගමනට ඒ ගුවන් යානය එයාට නොමිලේ දුන්නා. ඔහු නම හෙළි කිරීමට අකමැති ඉන්දීය ව්‍යාපාරිකයෙකි. ඔහු අග්‍රාමාත්‍යවරයාගේ මිත්‍රයෙක් වගේම ඒක සුහදතාවයේ ඉඟියක්” යැයි ඔහු පුවත්පත වෙත පවසා තිබෙනවා.

අන්තර්ජාලයේ ඇති තොරතුරු වලට අනුව, අදාල ජෙට් යානයේ සාමාන්‍ය පැයක කුලී ගාස්තුව පැයකට ඇමරිකානු ඩොලර් 6,700ක් පමණ වේ.

The Morning පුවත්පත වාර්තා කරන්නේ කුඩා යුරෝපීය රාජ්‍යයක් වන සැන් මැරීනෝහී ලියාපදිංචිව ඇති T7-JSG පෞද්ගලික ජෙට් යානය JetSetGo Aviation Services Private Limited ගුවන් සමාගමේ ඇති ගුවන්යානා සමූහයෙන් එකක් බවයි.

JetSetGo Aviation Services Private Limited යනු ඉහළ ආදායමක් උපයන, පෞද්ගලික ගුවන්යානා සපයන ඉන්දියානු ගුවන් සමාගමකි.

එමෙන්ම ඉන්දීය ක්‍රිකට් ක්‍රීඩක යුවරාජ් සිං ආයෝජකයෙකු ලෙස මෙම ගුවන් සමාගමේ අධ්‍යක්ෂ මණ්ඩලයෙහි සිටීමද විශේෂත්වයක්.

රත්මලාන ජාත්‍යන්තර ගුවන්තොටුපළේ ෆේස්බුක් පිටුවට අනුව, T7-JSG යානය අප්‍රිකානු රාජ්‍යයක් වන උගන්ඩාවේ සිට දෙසැම්බර් 16 වන දින රත්මලාන ගුවන් තොටුපළට පැමිණ තිබෙනවා.

එම යානය පසුදා එනම් දෙසැම්බර් 17 වනදා රත්මලාන ගුවන්තොටුපලෙන් පිටත්ව ගොස් තිබෙනවා.

දෙසැම්බර් 17 වැනිදායින් පසු, දෙසැම්බර් 22 වැනිදා චෙන්නායි ජාත්‍යන්තර ගුවන් තොටුපළෙන් පිටත්ව යන තෙක්ම යානය තිබූ ස්ථානය පිළිබඳ තොරතුරු කිසිවක් නොමැති අතර පසුව දෙසැම්බර් 23 වැනි දින අග්‍රාමාත්‍යවරයා සමඟ යානය රත්මලානෙන් තිරුපති බලා පිටත් ගොස් තිබෙනවා.

ඉන් අනතුරුව, එම යානය එදිනම නවදිල්ලි නුවර බලා පිටත් වීමට පෙර දෙසැම්බර් 24 වන දින නැවත වරක් රත්මලාන භූමියේ තිබූ බව ගුවන්තොටුපල දත්ත පෙන්වා දෙනවා.


RECENT ARTICLES - SINHALA

බටලන්ද වාර්තාව ගැන රනිල්ගෙන් අද විශේෂ ප්‍රකාශයක්

බටලන්ද කොමිෂන් සභා වාර්තාව සම්බන්ධයෙන් හිටපු ජනාධිපති රනිල් වික්‍රමසිංහ මහතා අද (16) විශේෂ ප්‍රකාශයක් සිදුකිරීමට නියමිතව තිබෙනවා. පසුගිය සතියේ සභානායක අමාත්‍ය බිමල් රත්නායක මහතා...

ප්‍රදේශ කිහිපයකට මි.මී 75 ඉක්මවූ වැසි

උතුරු, නැගෙනහිර සහ ඌව පළාත්වලත් හම්බන්තොට, පොළොන්නරුව, නුවරඑළිය සහ මාතලේ දිස්ත්‍රික්කවලත් අද (16) දිනයේ විටින් විට වැසි හෝ ගිගුරුම් සහිත වැසි ඇතිවිය හැකි බව...

ඉදිරියේදී තවත් රටවලට නොමිලේ වීසා පහසුකම

තවත් රටවල් කිහිපයක විදෙස් පුරවැසියන්ට ඉදිරියේදී මෙරටට ඇතුළුවීම සඳහා නොමිලේ වීසා පහසුකම් ලබාදෙන බව විදේශ අමාත්‍ය විජිත හේරත් මහතා පවසයි. ද (15) පාර්ලිමේන්තු විවාදයට එක්වෙමින්...

POPULAR ARTICLES

බටලන්ද වාර්තාව ගැන රනිල්ගෙන් අද විශේෂ ප්‍රකාශයක්

බටලන්ද කොමිෂන් සභා වාර්තාව සම්බන්ධයෙන් හිටපු ජනාධිපති රනිල් වික්‍රමසිංහ මහතා අද (16) විශේෂ ප්‍රකාශයක් සිදුකිරීමට නියමිතව තිබෙනවා. පසුගිය සතියේ සභානායක අමාත්‍ය බිමල් රත්නායක මහතා...

ප්‍රදේශ කිහිපයකට මි.මී 75 ඉක්මවූ වැසි

උතුරු, නැගෙනහිර සහ ඌව පළාත්වලත් හම්බන්තොට, පොළොන්නරුව, නුවරඑළිය සහ මාතලේ දිස්ත්‍රික්කවලත් අද (16) දිනයේ විටින් විට වැසි හෝ ගිගුරුම් සහිත වැසි ඇතිවිය හැකි බව...

බටලන්ද අපරාධවලට සම්බන්ධ අය කල් නොමරා අත්අඩංගුවට ගන්න – පුබුදු ජයගොඩ

බටලන්ද වධකාගාරයේ තුළ සිදුවූ අපරාධවලට සම්බන්ධ වූ පුද්ගලයින් වහාම අත්අඩංගුවට ගත යුතු බව පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා පවසනවා. අද (15) අනුරාධපුර...