විදේශගත ශ්රී ලාංකිකයින්ට ඒ ඒ රටවල තානාපති කාර්යාල හරහා ප්රමාදයකින් තොරව උප්පැන්න සහතික, විවාහ සහතික හා මරණ සහතික කඩිනමින් ලබා ගැනීමට හැකි වන පරිදි ඩිජිටල් පහසුකම් ලබාදීම අද (06) ආරම්භ වුණා.
ජනාධිපති අනුර කුමාර දිසානායක මහතාගේ ඩිජිටල්කරණ වැඩටසටහන යටතේ ක්රියාත්මක කළ ව්යාපෘතියක් අනුවයි.
මීට අදාළ වෙබ් අඩවිය විදේශ කටයුතු, අමාත්ය විජිත හේරත් මහතා අතින් අද විවෘත වුණා.
අමාත්ය විජිත හේරත් මහතා පැවසුවේ මෙම ව්යාපෘතිය ඉදිරි කාලයේ දී සියලු තානාපති කාර්යාල ආවරණය වන පරිදි ක්රියාත්මක කෙරෙන බවයි.
තානාපති කාර්යාල 07ක් වෙනුවෙන් මෙම නියමු ව්යාපෘතිය ක්රියාත්මක වනවා.
ඒ අනුව ජපානය, කටාර්, කුවේට් තානාපති කාර්යාල මිලානෝ, ටොරොන්ටෝ, මෙල්බර්න් සහ ඩුබායි කොන්සල් කාර්යාල මගින් ඒ රටවල්වල සිටින ශ්රී ලාංකිකයන්ට මින් ඉදිරියට ප්රමාදයකින් තොරව උප්පැන්න සහතික, විවාහ සහතික හා මරණ සහතික සහතික ලබා ගැනීමේ අවස්ථාව උදා වනු ඇති.
විදෙස්ගත ශ්රී ලාංකිකයින් ඒ ඒ රටවලට අදාළ තානාපති කාර්යාලයට පිවිස ප්රමාදයකින් තොරව මීට අදාළ සේවාවන් සිදුකරගත හැකියි.
