වර්ෂ 2019දී තමා බලයට පැමිණෙන විට රටේ තිබූ මූලික ගැටළුව ජාතික ආරක්ෂාව බව මේ වන විට බොහෝ දෙනාට අමතකව ඇති බව ජනාධිපති ගෝඨාභය රාජපක්ෂ මහතා පවසනවා.
ඒ, අද (18) දින 09 වන පාර්ලිමේන්තුවේ දෙවන සැසිවාරය ආරම්භයේදී එහි රාජාසන කතාව සිදු කරමින්.
මේ වන විට වත්මන් රජය විසින් රටේ ජාතික ආරක්ෂාව සුරක්ෂිත කර ඇති බවයි ඒ මහතා පෙන්වා දෙන්නේ.
වර්තමානයේදී ජනතාවට ත්රස්තවාදය සම්බන්ධව බියක් නොමැති බවත් බන්ධනාගාර බස් රථ වලට වෙඩි තබා ආරක්ෂකයන් සහ රැඳවියන් ඝාතනය කළ පාතාල යුගය අවසන් කර ඇති බවත් ගෝඨාභය රාජපක්ෂ මහතා පවසනවා.
මීට පෙර රටේ තරුණ ප්රජාව විශාල වශයෙන් මත්ද්රව්ය වලට යොමුව සිටි බවත් මෙරට ජාත්යන්තර මත්ද්රව්ය මධ්යස්ථානයක් බවට පත්වෙමින් තිබූ බවත් පසුගිය වසර දෙක තුලදී එය මර්දනය කිරීමට රජයට හැකි වූ බවත් ඔහු පෙන්වා දෙනවා.
එමෙන්ම ආරක්ෂාව තහවුරු කිරීම සඳහා වැදගත්වන පොලිස් සේවාවේ ද වෙනස්කම් රැසක් සිදුකළ බවයි ජනාධිපතිවරයා පවසන්නේ.