එළඹෙන ජනාධිපතිවරණය සඳහා ශ්‍රී ලංකා පොදුජන පෙරමුණේ හා එක්සත් ජාතික පක්ෂයේ අපේක්ෂකයා ලෙස වත්මන් ජනාධිපති රනිල් වික්‍රමසිංහ මහතා ඉදිරිපත් කිරීමට මේ වන විට සාකච්ඡා පැවැත්වෙමින් පවතිනවා.
ආණ්ඩුවේ ඉහළ පෙලේ ආරංචි මාර්ග පෙන්වා දෙන්නේ වත්මන් ආණ්ඩුවේ ඉහළ තනතුරක් දරන අමාත්‍යවරයෙක් ඇතුළු පොහොට්ටුවේ මැති ඇමතිවරු රැසක් මේ සඳහා මුල් වී සිටින බවයි.
ඒ අනුව රනිල් වික්‍රමසිංහ මහතා ජනාධිපති අපේක්ෂකයා ලෙස ඉදිරිපත් කිරීමේ මෙහෙයුම් ආණ්ඩුවේ ප්‍රබල තනතුරක් දරන අමාත්‍යවරයෙකු භාරගෙන ඇති බව සඳහන් වනවා.
හිටපු ජනාධිපති මහින්ද රාජපක්ෂ මහතා ජනාධිපති ධුරය දරන සමයේ ඔහුගේ පෞද්ගලික කාර්ය මණ්ඩලයේ සිටි කිහිපදෙනෙක් ද මේ මෙහෙයුමට සම්බන්ධව වී තිබෙනවා.
ආණ්ඩුවේ සිටින කැබිනට් හා රාජ්‍ය ඇමැති ධුර දරන තරුණ මන්ත්‍රීගෙන් වැඩිදෙනෙකු රනිල් වික්‍රමසිංහ මහතාට සහාය පළ කිරීමේ සූදානමක සිටින බවද ආණ්ඩුවේ අභ්‍යන්තර ආරංචි මාර්ග වැඩිදුරටත් පෙන්වා දෙනවා.
