බිත්තර සඳහා පනවා ඇති උපරිම සිල්ලර මිලේ කිසිදු වෙනසක් සිදු නොකරන බව වෙළඳ අමාත්‍ය නලින් ප්‍රනාන්දු පවසනවා.
ඒ, බිත්තරයක් රුපියල් පනහකට අලෙවි කිරීමට අමාත්‍යවරයා අවසර ලබාදුන් බවට සමස්ත ලංකා බිත්තර නිෂ්පාදකයන්ගේ සංගමය ඊයේ (24) සිදු කළ ප්‍රකාශයකට ප්‍රතිචාර දක්වමින්.
සමස්ත ලංකා බිත්තර නිෂ්පාදකයන්ගේ සංගමය ඇතුළු සංගම් කිහිපයක් සහ වෙළඳ අමාත්‍ය නලින් ප්‍රනාන්දු අතර සාකච්ඡාවක් වෙළඳ අමාත්‍යාංශයේදී ඊයේ පැවැත්වුණා. එම සාකච්ඡාවෙන් අනතුරුව සමස්ත ලංකා බිත්තර නිෂ්පාදකයින්ගේ සංගමයේ සමලේකම් දුමිෂ්ක සුබසිංහ කියා සිටියේ, රුපියල් 50කට බිත්තරයක් අලෙවි කිරීමට වෙළෙඳ අමාත්‍යවරයා අවසර ලබාදුන් බව යි.
මෙම ප්‍රකාශය අමාත්‍යවරයා විසින් ප්‍රතික්ෂේප කර සිටිනවා.
එමෙන්ම, පාලන මිලට වැඩියෙන් බිත්තර අලෙවි කරන්නන් සොයා ප්‍රදේශ කිහිපයකම වැටලීම් සිදුකිරීමට පාරිභෝගික කටයුතු අධිකාරිය පියවර ගෙන තිබෙනවා.
මේ අතර, තවමත් බිත්තර මිලෙහි වෙනසක් සිදු වී නොමැති බවට පාරිභෝගිකයන් චෝදනා කරනවා.
