එක් පුද්ගලයෙකුට සිය මූලික අවශ්යතා සපුරා ගැනීම සඳහා මාසිකව දැරීමට සිදුව ඇති අවම වියදම රු. 5,353 ක් බව ජන හා සංඛ්යාලේඛන දෙපාර්තමේන්තුව ප්රකාශයට පත්කර තිබෙනවා.
තවද එක් එක් දිස්ත්රික්කයන්ට අදාළවද ඒක පුද්ගල මාසික වියදම කොපමණදැයි එම දෙපාර්තමේන්තුව නිවේදනය කරනවා.
ඒ අනුව කොළඹ දිස්ත්රික්කයේ එක් පුද්ගලයෙකුට සිය මූලික අවශ්යතා සපුරා ගැනීම සඳහා මාසිකව දැරීමට සිදුව ඇති අවම වියදම රු. 5,810 ක් වන අතර ගම්පහ දිස්ත්රික්කයේ එම මුදල 5,634 ක්.
අවම මුදල වන රුපියල් 5,040 දැක්වෙන්නේ බදුල්ල දිස්ත්රික්කයෙනි.
කෙසේ වෙතත් එම මුදල තීරණය කර ඇත්තේ පසුගිය අගෝස්තු මස දක්වා වන දත්ත පදනම් කරගෙනයි.
මීට දින කිහිපයකට පෙර ගෑස්, තිරිගු පිටි, කිරිපිටි ඇතුළු අත්යාවශ්ය භාණ්ඩ රැසක මිල ඉහළ ගොස් ඇති අතර එම මිල ගණන් සහිතව නව මාසික වියදම ඇතුළත් මීළඟ වාර්තාව එළැඹෙන මාසයේදී නිකුත් කිරීමට නියමිතයි.