තමන්ගේ ආණ්ඩුවක් යටතේ දී ගොවියට මේ තරම් ප්රශ්න ඇති වෙන්ට ද ඉඩ තියන්නේ නැති බවද, ගොවියා ගැන තමන් කෙතරම් මේ ආණ්ඩුව සමඟ සාකච්ඡා කලද තමන්ට ඇහුම්කන් නොදෙන බවද හිටපු ජනාධිපති මෛත්රිපාල සිරිසේන මහතා පවසනවා.
බකමූණ නගර මධ්යයේ අඛණ්ඩ උපවාසයක යෙදී සිටින ගොවීන් හමුවීමට ගිය හිටපු ජනාධිපතිවරයා පැවසුවේ කෘෂිකර්ම අමාත්යවරයා නියරක යන්ඩ දන්න කෙනෙක් නොවන බවයි.
මොරගහකන්ද සහ ඇලහැර ගොවිජන ව්යාපාරයේ ගොවි සංවිධාන 41ක් ඒකාබද්ධව ගොවිතැනට පොහොර ලබා දෙන ලෙසට බලකරමින් පසුගිය 24 වැනිදා අඛණ්ඩව උපවාසයක් ආරම්භ කළා.
එම ගොවි උපවාසයට දින 8 ක් ගෙවෙන අද (01) දිනයේ හිටපු ජනාධිපතිවරයා ඔවුන් මුණගැසී සාකච්ඡා කර තිබෙනවා.
එහිදී අදහස් දැක්වූ හිටපු ජනාධිපතිවරයා,
“මම කීප වතාවක්ම කෘෂිකෘෂිකර්ම ඇමතිවරයා සමඟ ගොවියාගේ පොහොර ප්රශ්නය පිළිබඳව සාකච්ඡා කළා. නමුත් යහපත් ප්රතිචාරයක් ලැබුනේ නෑ. යම් යම් රාජ්ය අමාත්යවරුන් මට මඩ ප්රහාර එල්ල කරනවා. ගොවීන් මුහුණ දෙන ප්රශ්න නිසා මම කිව්වා පොලොන්නරුවට යන්න විදිහක් නෑ කියලා කිවුවා . ඒක පදනම් කර කරගෙන තමයි ඒ රාජ්ය අමාත්යවරුන් මට මඩ ප්රහාර ගහන්නේ. ඒවා මම ගණන් ගන්නේ නැහැ. ලෝකයේ කිසිදු රටක සීයට සීයක් කාබනික පොහොර භාවිතයෙන් ගොවිතැන් කරන්නේ නැහැ ,ඕස්ට්රේලියාව පවා වගා කටයුතු කරන්නේ කාබනික පොහොරවලින් 50% කින් පමණයි.”