ඒලියන්ත වයිට් මාලිංගට කළ හාස්කම

කොවිඩ් -19 ආසාදිතව කොළඹ පෞද්ගලික රෝහලක ප්‍රතිකාර ලබමින් සිටි ඒලියන්ත වයිට් ඊයේ(22) දින අභාවප්‍රාප්ත විය.

ඔහු සම්බන්ධව මෙරට අග්‍රාමාත්‍යවරයා ඇතුළු පිරිසක් සමාජ මාධ්‍යයේ සටහන් තබා තිබුණා

මේ අතර, ශ්‍රී ලංකා ක්‍රිකට් ක්‍රීඩක ලසිත් මාලිංග ද සිය ෆේස්බුක් පිටුවේ සටහනක් තබමින් පවසා සිටින්නේ තමන්ගේ පාදයේ තිබූ ආබාධය ඒලියන්ත වයිට් හාස්කමකින් සුව කළ බවයි.

“2008 දී මගේ පාදයේ injury එක…ඇත්තටම හාස්කමකින් සුවය ලබූ injury එකක්.
ඒ හාස්කම කරපු එතුමට මම දාපු හැම Yorker එකක් hat trick එකක් ගානෙම හදවතින්ම ස්තූතිවන්ත වෙනවා…
2008 න් පස්සේ මම දවාගත් හැම කඩුල්ලක් ගානෙම සතුටු වුන ඔබෙත් හදපිරි ප්‍රණාමය එතුමා වෙනුවෙන්ම පුද කරන්න!
ඔබට අමා මහ නිවන් සුව පතමි!” යැයි එම සටහනේ සඳහන් වේ

ඒලියන්ත වයිට් අවස්ථා කිහිපයකදීම සඳහන් කළේ කොවිඩ් වසංගත තත්ත්වය පාලනය කිරීම සඳහා තමන් හට කුණ්ඩලීනි ශක්තිය ඇති බවයි.

ඔහු ඉන්දියාවේ කොවිඩ් 19 ව්‍යාප්තිය පාලනය කිරීම සදහාද සම්බන්ධ වූ බවට මෑතකදී මාධ්‍ය වාර්තා කළා.