26 C
Colombo
Thursday, March 23, 2023

ශ්‍රී ලංකා රජයේ බලහත්කාරී ආදාහනයට එරෙහිව බ්‍රිතාන්‍ය මුස්ලිම් කවුන්සිලයෙන් නීතිමය පියවර

- Advertisement -

ශ්‍රී ලංකා රජය විසින් සිදුකරනු ලබන බලහත්කාරී ආදාහනය කිරීමේ ප්‍රතිපත්තියට කොව්ඩ් 19 ආසාදනය වීමෙන් මියගිය දින 20 ක බිළිදෙකු සහ මුස්ලිම්වරුන් 100 දෙනෙකු පමණ ඇතුළත්ව ඇතිබව විශ්වාස කටයුතු තොරතුරු මගින් තහවුරුව ඇති බව බ්‍රිතාන්‍යයේ මුස්ලිම් කවුන්සිලය නිවේදනය කරනවා.
මෙයට ප්‍රතිචාර දැක්වීම සදහා බ්‍රිතාන්‍යයේ මුස්ලිම් කවුන්සිලයේ සහකාර මහලේකම් සාරා මොහොමඩ්ගේ ප්‍රධානත්වයෙන් බ්‍රිතාන්‍යයේ ශ්‍රී ලංකා නියෝජිත ආයතන, නීතිඥයින්, වෛද්‍ය විශේෂඥයින් සහ සමාජ ක්‍රියාකාරී නායකයින්ගෙන් සමන්විත කාර්ය සාධක බලකායක් පිහිටුවා තිබෙනවා.
මෙම කාර්ය සාධක බලකාය විසින් විදේශ ලේකම්වරයාට සහස බ්‍රිතාන්‍යයේ ශ්‍රී ලංකා මහකොමසාරිස්වරයාට ලිපියක් මගින් දන්වා ඇත්තේ මුස්ලිම් හා ක්‍රිස්තියානි ප්‍රජාවට බලපෑම් සිදුකරන මෙම බලහත්කාරී ආදාහනය කිරීමේ ප්‍රතිපත්තිය හැකි ඉක්මනින් ඉවත්කරගන්නා ලෙසයි.
ලන්ඩනයේ ප්‍රමුඛ පෙළේ නීති සමාගමක් වන Bindmans LLP හී හවුල්කරුවෙකු වන තයාබ් අලී මහතා මේ සම්බන්ධයෙන් මෙලෙස අදහස් දැක්වීය.


“ශ්‍රී ලංකාවේ මුස්ලිම් සිරුරු බලහත්කාරයෙන් ආදාහනය කිරීම සුළුතර කණ්ඩායමකගේ ආගමික නිදහස බරපතල ලෙස උල්ලංඝණය කිරීමකි. පවුලේ සාමාජිකයෙකුගේ දේහය නියමිත වේලාවට භූමදානය කිරීම සඳහා ප්‍රමාද කිරීමද ජාත්‍යන්තර නීතිය උල්ලංඝණය කිරීමකි. මෙම අවස්ථාවේ දී ශ්‍රී ලංකා බලධාරීන් කිසිදු සාධාරණීකරණයකින් තොරව කොවිඩ් 19 වෛරස වසංගතය අතරතුර මළ සිරුරක් ආරක්ෂිතව කළමනාකරණය කිරීම සඳහා වූ ලෝක සෞඛ්‍ය සංවිධානයේ නිර්දේශයෙන් ඉවත් වී ඇත. ඊට අමතරව, මියගිය අයගේ පවුලේ සාමාජිකයන් විසින් කරන ලද ඉල්ලීම ශ්‍රී ලංකා ශ්‍රේෂ්ඨාධිකරණය විසින් කඩිනමින් හා අසාධාරණ ලෙස බැහැර කිරීම ශ්‍රී ලංකාවේ මුස්ලිම් සුලුතරයට දිගින් දිගටම හිංසා පීඩා කිරීමකි. මෙම කාරණය විසඳීම සඳහා එක්සත් ජාතීන්ගේ මානව හිමිකම් කමිටුවේ හදිසි අවධානයට යොමු කිරීමට අපි දැන් සූදානම්ව සිටිනවා.”

බ්‍රිතාන්‍යයේ මුස්ලිම් කවුන්සිලය සිය නිල වෙබ් අඩවියෙහි සදහන් කරන්නේ බලහත්කාරයෙන් ආදාහනය කිරීම පිළිබඳ ශ්‍රී ලංකා රජයේ ප්‍රතිපත්තිය ව්‍යවස්ථා විරෝධී වන බවත් එයින් මියගිය අයගේ පවුලේ සාමාජිකයන්ද හානියට පත් කරන බවයි.
එබැවින් මෙම ප්‍රතිපත්තිය වහාම ආපසු හරවන ලෙස ශ්‍රී ලංකා රජයෙන් ජාත්‍යාන්තර ප්‍රජාව ඉල්ලා සිටීම මේ මොහොතේ අත්‍යවශ්‍ය කරුණක් වන බවද ඔවුන් සදහන් කරනවා.
මෙම මානව හිමිකම් උල්ලංඝණය කිරීම අවසන් කිරීම සඳහා අවශ්‍ය නීතිමය ක්‍රියාමාර්ග බ්‍රිතාන්‍යයේ මුස්ලිම් කවුන්සිලය විසින් පිහිටුවා ඇති කාර්ය සාධක බලකාය විසින් ඉදිරියේදී ක්‍රියාත්මක කරන බවද එම වෙබ් අඩවියේ සදහන් කර තිබෙනවා.

කෙසේ වෙතත් කොවිඩ් මෘතදේහ භූමිදානය සම්බන්දයෙන් මෙරට ඇතැම් පාර්ශවයන් දැඩි විරෝධයක් පලකරනවා.
ඒ සම්බන්දයෙන් සෘජු තීරණයක් ගන්නා ලෙස රජයට බලකරමින් පසුගියදා භික්ෂූන්වහන්සේලා ඇතුළු පිරිසක් උද්ඝෝෂණයකද නිරත වුණා.

කොව්ඩ් 19 ආසාදිතව මියගිය දින 20 ක් වයසැති බිළිදු දරුවා දෙමාපියන්ගේ අකමැත්ත මත ආදාහනය කිරීම පිළිබදව Channel 19 නාළිකාව ගෙන ආ වාර්තා වැඩසටහන පහතින්,

RECENT ARTICLES - SINHALA

රටේ මුදල් විනාශ වූ හැටි රනිල් හෙළි කරයි

දිවංගත අග්‍රාමාත්‍ය මහාමාන්‍ය ඩී. එස්. සේනානායක මහතාගේ දර්ශනය අපි ඈත් කළ නමුත් ලී ක්වාන් යූ අග්‍රාමාත්‍යවරයා එම දර්ශනය අනුව යමින් සිංගප්පූරුව සංවර්ධිත...

තවත් අලුත් බදු දෙකක් එන බව ජනපති කියයි

0
ශ්‍රී ලංකාවේ රාජ්‍ය ආදායම මේ වන විට දළ දේශීය නිෂ්පාදිතයෙන් 8.3ක් වන බව ජනපති රනිල් වික්‍රමසිංහ මහතා පවසනවා. ඔහු...

මේ නාකි හැත්ත ගැන නෙමෙයි අපි දරුවන් ගැන කතා කරමු – කුමාර වෙල්ගම

0
ජාත්‍යන්තර මුල්‍ය අරමුදලේ ණය මුදල් ලබා ගැනීමට ජනාධිපතිවරයාට හැකිවීම ගැන තමන් හදවතින්ම සතුටු වන බව සමගි ජන බලවේගය පක්ෂයේ කළුතර දිස්ත්‍රික් මන්ත්‍රී...

RECENT ARTICLES - ENGLISH

IMF agreement: President hasn’t tabled Letter of Intend, alleges Harsha

0
SJB MP Dr. Harsha de Silva alleged President Ranil Wickremesinghe has not tabled the Letter of Intent with regard to the IMF...

Andrew Tate to spend another month behind bars

0
Controversial influencer Andrew Tate and his brother Tristan will remain in custody in Romania for a fourth consecutive month, a court has...

Trump wants to be handcuffed for court appearance in Stormy Daniels case,

0
Donald Trump has told advisers that he wants to be handcuffed when he makes an appearance in court, if he is indicted...