රාජ්‍ය අමාත්‍ය ලොහාන් රත්වත්තේ මහතා සමගින් පසුගිය 12 වනදා වැලිකඩ බන්ධනාගාරයේ එල්ලුම්ගහ බැලීමට බලහත්කාරයෙන් බන්ධනාගාර පරිශ්‍රය වෙත ඇතුළුවූ කණ්ඩායම අතර සිටි රූ රැජිණක් පිළිබදව පසුගිය දින කිහිපයේ මාධ්‍ය විසින් තොරතුරු අනාවරණය කළා.
කෙසේ වෙතත් ඇයගේ නම පිළිබදව සදහන් නොවූවද අද (15) කොළඹදී පැවති ප්‍රවෘත්ති සාකච්ඡාවකදී සිරකරු අයිතිවාසිකම් සුරැකීමේ කමිටුවේ සභාපති නීතිඥ සේනක පෙරේරා ඇයගේ නම හෙළිදරව් කළා.
ඔහු පවසන්නේ ආන්දෝලනාත්මක විවාහක රූ රැජිණ තරඟාවලියේදී වැඩි කතාබහකට ලක්වූ පසුව විවාහක රූ රැජිණ ලෙස කිරුළු පලන් පුෂ්පිකා ද සිල්වා මහත්මිය රාජ්‍ය අමාත්‍ය ලොහාන් රත්වත්තේ මහතා සමඟ එදින වැලිකඩ බන්ධනාගාරයට ගොස් ඇති බවයි.
මේ සම්බන්ධයෙන් වන වැඩිදුර තොරතුරු බන්ධනාගාරය තුළ ඇති ආරක්ෂිත කැමරා දර්ශන මගින් ඉදිරියේදී අනාවරණය වනු ඇති බවයි ඔහු වැඩිදුරටත් සඳහන් කළේ.
