ලෝකයේ බලවත් රටවල පවා බලශක්ති අර්බුදයකට මුහුණදී සිටින මොහොතක ශ්රී ලංකාව අඛණ්ඩව ඉන්ධන සැපයීම සහතික කිරීම පිළිබදව සමස්ත ජාතියම සතුටු විය යුතු බව බලශක්ති අමාත්ය උදය ගම්මන්පිල මහතා පවසනවා.
ඊයේ (18) එම අමාත්යාංශයේදී පැවති ප්රවෘත්ති සාකච්ඡාවක් අමතමින් ඒ මහතා සදහන් කළේ බොරතෙල් ආනයනය නතර කිරීමෙන් විදුලි කප්පාදුවක් ඇති නොවන බවයි.
එම නිසා ඒ පිළිබදව අනිසි බියක් ඇති කර ගත යුතු නැති බව අමාත්යවරයා පෙන්වා දෙනවා.
අධික වර්ෂාව හේතුවෙන් මේ වන විට විදුලිබල මණ්ඩලය විදුලිය නිෂ්පාදනයට දැවිතෙල් මිලදී නොගන්නා බවත් සීමිත ඩොලර් ප්රමාණයක් වැයකර ගෙන්වන ලද බොරතෙල්වලින් සකස්කළ දැවිතෙල් ටොන් 13,500 ක් භාවිතා නොකර ටැංකිවල ගබඩා කර ඇති බවත් ගම්මන්පිල මහතා වැඩිදුරටත් පවසනවා.