සෞඛ්‍ය මාර්ගෝපදේශ තවදුරටත් ලිහිල් කරමින් සෞඛ්‍ය සේවා අධ්‍යක්ෂක ජනරාල්වරයා විසින් නව සෞඛ්‍ය මාර්ගෝපදේශ මාලාවක් නිකුත් කර තිබෙනවා.
ඒ අනුව රාත්‍රී 11 සිට අලුයම 4 දක්වා පනවා තිබු සංචරණ සීමාවන් අද (25) මධ්‍යම රාත්‍රියේ සිට ඉවත් කෙරෙනු ඇති.
එමෙන්ම විවාහ මංගල උත්සව ශාලා තුල අමුත්තන් 100 දෙනෙකුට ද එළිමහන් මංගල උත්සව සඳහා අමුත්තන් 150ක උපරිමයකට යටත්ව රැස්වීම සඳහා අවසර ලබාදීමට අවසර හිමිවනවා.
නමුත් විවාහ මංගල උත්සව වලදී මත්පැන් භාවිතා කිරිමට තවදුරටත් අවසර හිමි වන්නේ නැහැ.
මේ අතර ආපන ශාලා තුළ එකවර උපරිමව පුද්ගලයින් 75 දෙනෙකුට ආහාර ගැනීම සඳහා අවසර හිමිව ඇති අතර එළිමහන් උත්සව සඳහා සහභාගිවිය හැකි උපරිම සංඛ්‍යාව පුද්ගලයින් 100ක් දක්වා ඉහළ දමා තිබෙනවා.
එමෙන්ම කාර්යාල රැස්වීම සඳහා අවසර හිමිවන්නේ අදාළ ශාලාවේ ඉඩ ප්‍රමාණයෙන් 1/3ක ප්‍රමාණයකට වන අතර එය උපරිමය පුද්ගලයින් 150කට සීමා වනවා.
