සතොස ආයතනයේ සිදුව ඇති වංචා හෙළිකළ පාරිභෝගි කටයුතු පිළිබද අධිකාරියේ හිටපු අධ්‍යක්ෂක තුෂාන් ගුණවර්ධන මහතාව අද (22) අපරාධ පරීක්ෂණ දෙපාර්තමේන්තුවට කැඳවා තිබුණා.
එහි ඇති විශේෂත්වය නම් එම දෙපාර්තමේන්තුවේ මිනීමැරුම් විමර්ශන අංශයේ ස්ථානාධිපතිවරයා විසින් අදාළ කැඳවීම සිදුකර තිබීමයි.
ඒ අනුව වෙළෙඳ අමාත්‍ය බන්දුල ගුණවර්ධන මහතා විසින් පොලිස්පතිවරයා වෙත සිදුකර ඇති පැමිණිල්ල අපරාධ පරීක්ෂණ දෙපාර්තමේන්තුවේ මිනීමැරුම් විමර්ශන අංශයේ ස්ථානාධිපතිවරයා විසින් විමර්ශනය කරන බව තුෂාන් ගුණවර්ධන මහතාට දැනුම්දී තිබෙනවා.
ඒ අනුව තුෂාන් ගුණවර්ධන මහතා මාධ්‍ය වෙත සිදුකර ඇති ප්‍රකාශ සම්බන්ධයෙන් සිදුකරගෙන යන විමර්ශනයට අදාළව ප්‍රකාශයක් සටහන් කරගැනීම සදහා අද ඔහුව මෙලෙස අපරාධ පරීක්ෂණ දෙපාර්තමේන්තුවේ මිනීමැරුම් විමර්ශන අංශයට කැඳවා තිබුණා.
