පළාත් පාලන ආයතන 341න් 340ක නිල කාලය අද (19) මධ්යම රාත්රියෙන් අවසන් වෙනවා.
2018 වසරේ මාර්තු 20 වනදා සිට වසර හතරක කාලයක් පළාත් පාලන ආයතන ක්රියාත්මක වුවද පසුගිය වසරේ පැවැති තත්ත්වය හේතුවෙන් වසරක කාලයක් එහි නිල කාලය දීර්ඝ කෙරුණා.
කෙසේ වුවත් පළාත් පාලන ආයතන නීතියට අනුව අද දිනයට පෙර ඡන්ද විමසීමක් පවත්වා නව සභිකයන් පත් කර ගත යුතුව තිබුණා.
එහෙත් ඡන්ද විමසීම එම දිනට පෙර පැවැත්වීමට නොහැකි වීම හේතුවෙන් පළාත් පාලන ආයතනවල බලය (19) අද මධ්යම රාත්රියෙන් පසු අවසන් වෙනවා.
මේ අනුව මහ නගර සභා 29හි බලය නාගරික කොමසාරිස්වරුන්ට ද, නගර සභා 36හි සහ ප්රාදේශීය සභා 275හි බලය එම ආයතනවල ලේකම්වරුන්ට ද පැවරීමට නියමිතයි.
කෙසේ වෙතත් ප්රමාද වී පිහිටවූ ඇල්පිටිය ප්රාදේශීය සභාවේ පමණක් නිල කාලය තවදුරටත් ක්රියාත්මක පවතිනවා.
මේ අතර නිල කාලය අවසන් වීම හේතුවෙන් සියළුම පළාත් පාලන ආයතනවල ප්රධානීන් සහ මන්ත්රීවරුන් භාවිත කරන වාහන ඇතුළු රජයේ දේපල යළි රජයට භාර දෙන ලෙස දැනුම් දී තිබෙනවා.