ආගම් පිළිබඳව හොඳට හෝ නරකට දේශපාලන වේදිකාවල සාකච්ඡාවට ගත යුතු නොමැති බව ජාතික ජනබලවේගයේ ජනාධිපති අපේක්ෂක අනුර කුමාර දිසානායක මහතා පවසනවා.
මහනුවර පැවති ජන රැළියකට එක්වෙමින් ඒ මහතා මේ බව කියා සිටියා.
අනුර කුමාර දිසානාය මහතා පවසා සිටියේ, ජාතික ජනබලවේගය යනු ආණ්ඩුක්‍රම ව්‍යවස්ථාවේ නවවැනි වගන්තිය පිළිබඳවත් බුදුදහම මේ දක්වා ලාංකීය සමාජය මේ දක්වා ස්ථාවර කිරීමේ කාර්ය භාරය පිළිබඳවත් අපේ ශිෂ්ඨාචාරය ගොඩනැඟීමේදී මූලික පදනම වූ බවත් ඉතා නිරවුල්ව සහ පැහැදිලිව විශ්වාස කරන ව්‍යාපාරයක් බවයි.
ආගම සම්බන්ධ කාරණා අළලා අනෙකුත් කණ්ඩායම් නැවත නැවතත් දේශපාලන වේදිකාව තුළ ආගම් පිළිබඳව ප්‍රශ්නයක් මතු කිරීමට තැත් කරන බවත් අනුර කුමාර දිසානයක මහතා මෙහිදී සඳහන් කළා.
“දිනුවොත් මාස 6ක් ඉන්න පුළුවන් වෙයි , 22 වෙනිදා කලබල ඇති වේවි කියලා සමාජය බය කරන්න හදනවා, එහෙම කුමන්ත්‍රණයක ඉන්නවා කියලා,අනෙකාට රිදවන්නේ නැතුව ජාතික ජනබලවේගය ජයග්‍රහණය සමරන්නේ කොහොමද කියලා 22 වනදා ඔප්පු කරලා පෙන්නනවා, අපිත් එක්ක වැඩ කරපු නැති , අපිට ඡන්ඩ්ජය නොදුන් කිසිදු පුරවැසියෙකුට නිය තුඩකින්වත් හානි වෙන්නේ නැහැ කියලා සහතික වෙනවා”
