පොල් වගාවට අවශ්‍ය පොටෑසියම් නොමැතිවීම හේතුවෙන් පොල් වගාකරුවන් දැවැන්ත දුෂ්කරතාවයකට පත්ව ඇති බව පොල් සංවර්ධන රාජ්‍ය අමාත්‍ය අරුන්දික ප්‍රනාන්දු මහතා පවසනවා.
එබැවින් පොල් වගාව සඳහා අත්‍යවශ්‍යම පොහොර වර්ගයක් වන පොටෑසියම් ආනයනය කිරීමට තීරණය කර ඇති බවයි ඒ මහතා පවසන්නේ. ඒ සඳහා ජනාධිපති ගෝඨාභය රාජපක්ෂ මහතාගේ අනුමැතියද හිමිව ඇති බවත් ඇමතිවරයා පවසනවා.
එබැවින්, මතුව ඇති අර්බුදකාරී තත්වය පිළිබඳව සලකා බලා ‘මියුරේට් ඔෆ් පොටෑෂ්’ ආකාරයට පොටෑසියම් ආනයනය සඳහා අවසර ලබා දී තිබෙනවා.
කෙසේ වෙතත්, පොල් වගාවට අවශ්‍ය වෙනත් කිසිදු රසායනික පොහොර වර්ගයක් ආනයනය නොකරන අතර යූරියා පොහොර අවශ්‍යතාවය වෙනුවෙන් පොල් ගසේ අමතර කොටස්, ගොම පොහොර, කුකුල් පොහොර සහ ගිනිසීරියා ශාඛ කොටස් යොදා ගැනීමට සැළසුම් කර ඇති බවද ඇමතිවරයා පවසනවා.
