ජනාධිපතිවරයා බලය ලබාගත්තේ වෙනසක් කිරීමට බව ඔහු පවසා ඇතත් ඔහුගේ වෙනස දිශානතව ඇත්තේ විනාශය් මාර්ගයට බව ජනතා විමුක්ති පෙරමුණේ නායක අනුර කුමාර දිසානායක මහතා පවසනවා.
ඒ, ඊයේ (23) ජනතා විමුක්ති පෙරමුණ විසින් පැවැත්වූ මාධ්ය හමුවක් අමතමින්.
එම විනාශයේ විශාලතම බලපෑම සිදුව ඇත්තේ කෘෂිකර්මාන්තයට බවත් රටේ ආහාර සුරක්ෂිතතාව තර්ජනයකට ලක්ව ඇති බවත් ඔහු පෙන්වා දෙනවා.
සිදුවිය හැකි විනාශකාරී තත්වයන් පිළිබඳව නිසි සොයාබැලීමකින් තොරව ගනු ලැබූ මේ තීරණය හේතුකොට ගෙන ගොවීන්ට සිය ගොවි බිම්වල වගාකටයුතු අත්හැරීමට සිදුව ඇති බවයි ඔහු අවධාරණය කර සිටින්නේ.
එබැවින්, පොහොර සම්බන්ධයෙන් රජය විසින් ගෙන ඇති තීරණ වහාම වෙනස් කළ යුතුව ඇති බවත් අනුර කුමාර දිසානායක මහතා පවසනවා.