වත්මන් ජාතික අර්බුදයට විසඳුම ජනාධිපති ගෝඨාභය රාජපක්ෂ සිරගෙට යැවීම මිස ගෙදර යැවීම නොවන බව ශ්රී ලාංකික ගායන ශිල්පී ශිහාන් මිහිරංග අද (04) පවසා සිටියා.
ඒ ජනාධිපතිවරයාට සහ ඔහුගේ පාලනයට එරෙහිව කොළඹදී පැවැත්වෙන මහජන විරෝධතාවයකට එක්වෙමින්.
ඔහු කියා සිටියේ රාජපක්ෂ පවුලේ අයටද රට හැර යාමට ඉඩ නොදිය යුතු බවයි.
රාජපක්ෂවරුන් සහ ඔවුන්ගේ සමීපතමයන් රටේ ජනතාවගෙන් ලබාගත් සෑම ශතයක්ම ආපසු ගෙවන තෙක් රට තුළ සිටිය යුතු බවයි ඔහු අවධාරණය කරන්නේ.
රාජපක්ෂවරුන් සෑම විටම රටින් පලා ගිය බවත් මීට පෙර එවැනි අර්බුදවලින් නිදහස් වී ඇති බවත් පැවසූ ශිහාන් මිහිරංග ඔවුන්ට වත්මන් අර්බුදයෙන් ගැලවීමට ඉඩ නොදිය යුතු බවත් පවසනවා.
මෙම සාමකාමී විරෝධතා රාජපක්ෂලාට එම තත්ත්වයෙන් ගැලවිය නොහැකි මට්ටමකට ගෙන යාමට මහජනතාව කටයුතු කළ යුතු බවත් ඔහු පවසනවා.
“ඔවුන් මේ රටේ තියාගන්න එක අපේ ජයග්රහණයක්, එහෙම නොවුණොත් අපි මේ අරගලයෙන් අසාර්ථකයි,” ශිහාන් මිහිරංග පෙන්වා දෙනවා.
ඔහු මහජනතාවගෙන් ඉල්ලා සිටියේ විරෝධතා දිගටම කරගෙන යන ලෙසත්, හැකි නම් විසඳුමක් ලැබෙන තුරු රාජපක්ෂවරුන් පස් දෙනෙකුවත් රටේ තබා ගන්නා ලෙසත් ය.