පාර්ලිමේන්තු මන්ත්‍රී නාමල් රාජපක්ෂ මහතා ඉන්දීය මාධ්‍ය වෙත සම්මුඛ සාකච්ඡාවක් ලබාදෙමින් පවසා ඇත්තේ ජනාධිපතිවරයා මේ මොහොතේ ජාතිය ඇමතිය යුතු බවයි.
ජනාධිපතිවරයා මේ මොහොතේ ගන ලබන පියවර කුමක්දැයි ජනතාව අවධානයෙන් සිටින නිසා ඔහු ජාතිය අමතා ඔහුගේ සැලසුම් මොනවාදැයි ජනතාව දැනුවත් කළ යුතු බවයි නාමල් රාජපක්ෂ මහතා පෙන්වා දෙන්නේ.
ගෝඨාභය රාජපක්ෂ ජනාධිපතිවරයා තම කණ්ඩායම සමඟ ශක්තිමත්ව මේ මොහොතේ ක්‍රියා කිරීම අවශ්‍ය බවත් ඔහු දැනටමත් එය සිදුකරමින් සිටින බවත් නාමල් රාජපක්ෂ මහතා පවසනවා.
වීදිවල බැස ආණ්ඩුව එළවීමට කටයුතු කරන ජනතාව අර්බුදයෙන් ගොඩඒමටත්, රට ගොඩනැගීමටත් එකමුතුභාවයෙන් කටයුතු කරනවා දැකීමට තමන් කැමති බවත් ඔහු වැඩිදුරටත් සදහන් කරනවා.
