26 C
Colombo
Sunday, November 27, 2022

අගමැති යන්න ඕන නැහැ – පළාත් සභා මන්ත්‍රී සංසදය

- Advertisement -

ග්‍රාමාත්‍ය මහින්ද රාජපක්ෂ මහතා හෝ ආණ්ඩුව ඉල්ලා අස්විය යුතු නැති බව පළාත් සභා මන්ත්‍රී සංසදය අද (26) දින පෙරවරුවේ ඒකමතිකව යෝජනාවක් සම්මත කළ බව අග්‍රාමාත්‍ය මාධ්‍ය ඒකකය නිවේදනය කරනවා.

අග්‍රාමාත්‍යවරයා සහ ආණ්ඩුවේ මැති ඇමතිවරුන් හා පළාත් සභා මන්ත්‍රී සංසදය අතර අරලියගහ මන්දිරයේදී අද පෙරවරුවේ පැවති රැස්වීමේ දී මෙම යෝජනා සම්මතයට එළැඹුණු බවයි අග්‍රාමාත්‍ය මාධ්‍ය ඒකකය පවසන්නේ.

ඒ අනුව මෙම යෝජනාව ජනාධිපති ගෝඨාභය රාජපක්ෂ මහතාට ද දැනුම් දීමට පළාත් සභා මන්ත්‍රී සංසදය මෙහිදී තීරණය කර තිබෙනවා.

පවතින ආර්ථික අර්බුදයෙන් රට මුදා ගැනීමට ඉදිරියටත් අග්‍රාමාත්‍ය මහින්ද රාජපක්ෂ මහතා අග්‍රාමාත්‍ය ධුරයේ කටයුතු කිරීම අත්‍යවශ්‍ය බව පළාත් සභා මන්ත්‍රී සංසදයේ සාමාජිකයෝ මෙහිදී පෙන්වා දුන් බව අග්‍රාමාත්‍ය මාධ්‍ය ඒකකය වැඩිදුරටත් පවසනවා.

අග්‍රාමාත්‍ය මහින්ද රාජපක්ෂ මහතාගේ නම සහ ඡායාරූප යොදාගනිමින් ජනතාව අතරට ගොස් පාර්ලිමේන්තු පැමිණි මන්ත්‍රීවරුන් අග්‍රාමාත්‍යතුමාට විරුද්ධව ස්වාධීන වන්නේ නම් එය සදාචාර විරෝධී බවද පළාත් සභා මන්ත්‍රී සංසදයේ සාමාජිකයෝ මෙහිදී පවසා තිබෙනවා.

69 ලක්ෂයේ බහුතර ජනතාව අග්‍රාමාත්‍ය මහින්ද රාජපක්ෂ මහතා සමඟ තවමත් සිටින බවත්, ඔවුන්ගේ නිශ්ශබ්දතාව හේතුවෙන් සුළුතර පිරිසකගේ විරෝධය සමාජ මාධ්‍ය සහ ප්‍රධාන පෙලේ මාධ්‍ය මඟින් අනිසි ප්‍රචාරයක් ලැබීම නිසා මෙම තත්ත්වය උද්ගතව ඇති බවත් පළාත් සභා මන්ත්‍රීවරුන් සදහන් කරනවා.

මේ වන විට රට තුළ ක්‍රියාත්මක වන විරෝධය විරුද්ධ පක්ෂය සහ ආණ්ඩුවට විරුද්ධ විවිධ දේශපාලන සංවිධාන විසින් ආර්ථික අර්බුදයෙන් පීඩාවට පත් ජනතාව පොළඹවා ගනිමින් ක්‍රියාත්මක කරන්නක් බවද පෙන්වා දුන් අදාළ නියෝජිතයෝ මෙම විරෝධතාව තුළ අන්තවාදී බලවේග, දෙමළ ඩයස්පෝරාව සහ රට අරාජික කිරීමට බලා සිටින විදේශ බලවේග ක්‍රියාත්මක වන බවද ඔවුන් පෙන්වා දී තිබෙන බව අග්‍රාමාත්‍ය මාධ්‍ය ඒකකය සදහන් කරනවා.

එල්.ටී.ටී.ඊ ත්‍රස්තවාදීන්ට එරෙහිව සටන් කරමින් වසර 30ක් තිස්සේ මෙරට පැවති යුද්ධය නිමා කිරීමට නායකයත්වය දුන් මහින්ද රාජපක්ෂ අග්‍රාමාත්‍යවරයා නොවන්නට අද පාරට බැස මෙවැනි විරෝධතාවල නිරතවීමට හැකි පරිසරයක් නිර්මාණය නොවන බව ද ඔවුහු සිහිපත් කළ බවද එම නිවේදනයේ සදහන්.

මෙම අවස්ථාවට ආණ්ඩුවේ මැති ඇමතිවරුන්, ඇතුළු ඇමතිකම් නැතිවී ගිය පිරිසක්ද සහභාගීවී තිබෙනවා.


RECENT ARTICLES - SINHALA

සතියකින් මුදල් නොලැබුණොත් කාසල් විදිය රෝහලේ විදුලිය කපා දැමීමේ අවධානමක්

0
කාසල් වීදියේ රෝහලේ විදුලිය විසන්ධි වීමේ අවධානමක් මතුව තිබෙනවා. රුපියල් ලක්ෂ 170ක හිඟ විදුලි බිලක් තිබීම හේතුවෙන් මෙම අවධානම...

ඉන්දියා- ඇමරිකා ඒකාබද්ධ හමුදා අභ්‍යාසයක්

0
ඉන්දු-එක්සත් ජනපද ඒකාබද්ධ පුහුණු අභ්‍යාසයේ 18 වන සංස්කරණය "Yudh Abhyas 22" ඉන්දියාවේ උත්තර්කාන්ද් හි දී පැවැත්වීමට නියමිතව තිබේ. දෙරටේ...

නියමිත කාලයට සරසවියෙන් එළියට නොගිය අය ගෙදර යවන්න නව පනතක්

0
විශ්ව විද්‍යාලවලට ඇතුල් වී නියමිත කාලයට උපාධිය ලබා නොගන්නා ශිෂ්‍ය ශිෂ්‍යාවන් විශ්ව විද්‍යාලවලින් ඉවත් කිරීමට අදාළ පනතක් පාර්ලිමේන්තුවට ගෙන ඒමට අධ්‍යාපනය අමාත්‍යාංශය...

RECENT ARTICLES - ENGLISH

COPE informs Fisheries Corporation to pay outstanding EPF/ETF payments

0
The Committee on Public Enterprises (COPE) has informed Fisheries Corporation to propose expeditious action on Rs.600 million outstanding EPF & ETF payments...

Dan Priyasath launched a ‘war’ against female teachers’ attire

0
A person named Dan Priyasath led a group of males to hold a protest in front of the Ceylon Teachers' Union office...

Keeping 5g of Ice: Death sentence to anyone, including school children

0
As of yesterday, the Supreme Court has the power to award the death penalty to anyone, including school children for possession of...