පවත්නා ඉන්ධන අර්බුදය සම්බන්ධයෙන් කුරුණෑගලදී කතාවක් පවත්වමින් අග්‍රාමාත්‍ය මහින්ද රාජපක්ෂ මහතා සිදුකළ ප්‍රකාශය ‘මහ මෝඩ ප්‍රකාශයක්’ බව පාර්ලිමේන්තු මන්ත්‍රී විමල් වීරවංශ මහතා පවසනවා.
මෙරට ඉන්ධන අර්බුදයක් ඇතිව තිබෙන්නේ ඉන්ධන නොමැති බවට හිටපු බලශක්ති අමාත්‍ය උදය ගම්මන්පිල මහතා සිදුකළ ප්‍රකාශය නොව ආනයනික ඉන්ධන නැව් මෙරටට ගොඩබෑම සඳහා ණයවර ලිපි විවෘත කිරීමට රටේ ඩොලර් නොමැති නිසා බවයි විමල් වීරවංශ මහතා පෙන්වා දෙන්නේ.
මේ වන විට ගෑස් සම්බන්ධයෙන්ද මතුව තිබෙන්නෙ එවන් අර්බුදයක් බව වීරවංශ මහතා සදහන් කරනවා.
අර්බුදයේ ඇත්ත තත්ත්වය සාකච්ඡා නොකොට කිසිදු අර්බුදයක් නොමැති බවට සිතා යම් අයෙක් රාත්‍රියේ නිදිවදියි නම් පසුදා උදෑසන හිසට අර්බුදයේ පොලු පහර ලැබෙන බව වීරවංශ මහතා වැඩිදුරටත් පවසනවා.
