පළිබෝධනාශක රෙජිස්ට්රාර්වරයා වහාම ක්රියාත්මක වන පරිදි තනතුරෙන් ඉවත් කිරීමට පියවර ගෙන තිබෙනවා.
නිවේදනයක් නිකුත් කරමින් කෘෂිකර්ම අමාත්යාවරයාගේ මාධ්ය ලේකම්, ජයසූරිය උඩුකුඹුර මහතා මේ බව දැනුම් දී සිටින අතර වසර 7ක් පුරා තහනමට ලක්ව තිබූ ග්ලයිපොසේට් ඇතුළු පළිබෝධනාශක වර්ග 5ක තහනම ඉවත් කරමින් නිකුත් කළ ගැසට් නිවේදනයට අදාළව රෙජිස්ට්රාර්වරයා තනතුරින් ඉවත් කිරීමට කටයුතු කර ඇති බවයි පැවසෙන්නේ.
එමෙන්ම, ඔහුට එරෙහිව විනයානුකූල පරීක්ෂණයක් පවත්වන බවත් එම නිවේදනයේ සඳහන්.
කෙසේ නමුත් මේ සම්බන්ධයෙන් අදහස් දක්වමින් පළිබෝධනාශක රෙජිස්ට්රාර් ආචාර්ය ජේ.ඒ. සුමිත් මහතා පවසන්නේ නීති කෙටුම්පත් දෙපාර්තමේන්තුවෙන් අනුමැතිය ලැබීමෙන් අනතුරුව එම ගැසට් නිවේදනය නිකුත් කිරීමට කටයුතු කළ බවත් තමා තනතුරෙන් ඉවත් කළ බවක් පිළිබදව මෙතෙක් දැනුවත් වී නොමැති බවත් ය.
එමෙන්ම, අද (23) පස්වරුවේ අමාත්යවරයා සමග සාකච්ඡාවක් පැවැත්වීමට නියමිත බවත් ඔහු වැඩිදුරටත් පවසා සිටිනවා.