විමර්ශන අවසන්ව ජනාධිපතිවරයා වෙත භාරදී ඇති පාස්කු කොමිසමේ අවසන් වාර්තාවේ පිටපතක් තවමත් තමන් වෙත ලැබී නොමැති බව අතිඋතුම් මැල්කම් කාදිනල් රංජිත් හිමිපාණන් පවසනවා.
අද (11) අගරදගුරු නිවසේ පැවති ප්‍රවෘත්ති සාකච්ඡාවක් අමතමින් උන්වහන්සේ මෙම අදහස් පලකළා.
පාස්කු ප්‍රහාරය සම්බන්දයෙන් පරීක්ෂණ සිදු කෙරී ඇති ආකාරය මෙන්ම අපරාධ පරීක්ෂණ දෙපාර්තමේන්තුව කටයුතු කර ඇති ආකාරය පිළිබදව කිසිසේත් සෑහීමකට පත්විය නොහැකි බවද උන්වහන්සේ මෙහිදී සදහන් කළා.
එබැවින් මේ සම්බන්දයෙන් වන විකල්ප ක්‍රියාමාර්ගයකට තමන් යොමුවන බවත් අදාල විකල්ප ක්‍රියාමාර්ගය පිළිබදව නුදුරේදීම අධිකරණය දැනුවත් කරන බවත් වැඩිදුරටත් අදහස් දක්වමින් කාදිනල් හිමියන් පැවසුවා.
තමන් මේ සම්බන්දයෙන් ක්‍රියාකරන ආකාරය පිළිබදව කතෝලික ජනතාව බලා සිටින බවත් තවදුරත් කතෝලික ජනතාව ඉවසීමෙන් කටයුතු නොකරනු ඇති බවත් මාධ්‍ය අමතමින් උන්වහස්නේ සදහන් කළා.
ඊට අදාල දර්ශන පහතින්,
