මෙවර සාමාන්‍ය පෙළ විභාගයේ විෂයන් 6කට වඩා වැඩි සංඛ්‍යාවකට මුහුණ දී සිසුන් 6566 දෙනෙක් අසමත් වී තිබෙනවා.
විභාග කොමසාරිස් ජනරාල් එල්.එම්.ඩී. ධර්මසේන මහතා සඳහන් කරන්නේ විභාගය සඳහා මුහුණ දුන් සමස්‌ථ සිසුන් ගණනින් ප්‍රතිශතයක් ලෙස ගත් කළ එය 2.11%ක් බවයි.
මේ වසරේ විභාගයට පෙනී සිටි සිසුන් අතුරින් 10863 විෂයන් 9යටම A සමාර්ථ ලබාගෙන තිබෙනවා.
කොමසාරිස්වරයා කියා සිටියේ විභාග අපේක්ෂකයින් 498 දෙනෙකුගේ විභාග ප්‍රතිඵල නිකුත් කිරීම තාවකාලිකව අත්හිටුවා ඇති බවයි.
විභාගය අතරතුරදී විභාග වංචා සිදුකළ 116 දෙනෙක් හඳුනාගෙන තිබෙනවා.
ඒ මහතා මෙලෙස විභාග ප්‍රථිපල තාවකාලිකව අත්හිටුවූ සිසුන් සම්බන්ධයෙන් විමර්ශනයක් සිදුකර ප්‍රථිපල නිදහස් කළ හැකි සිසුන්ගේ ප්‍රථිපල නිදහස් කිරීමට සුදානම් බවයි.
මෙවර විභාගය සඳහා පෙනී සිටි සිසුන් අතරින් 231,982 ක් උසස් පෙළ සඳහා සුදුසුකම් ලබා ඇති බවයි විභාග කොමසාරිස්වරයා වැඩිදුරටත් සඳහන් කළේ.
