රජයේ වෛද්යවරුන්ගේ විශ්රාම ගැන්වීමේ වයස අවුරුදු 63 දක්වා දීර්ඝ කිරීමට අමාත්ය මණ්ඩල අනුමැතිය හිමිව තිබෙනවා.
ඒ සෞඛ්ය හා ජනමාධ්ය අමාත්යවරයා සහ රාජ්ය පරිපාලන, පළාත් සහා සහ පළාත් පාලන කටයුතු පිළිබඳ අමාත්යවරයා විසින් ගෙන එන ලද අමාත්ය මණ්ඩල යෝජනාවකට අනුවයි.
මෙය විශ්රාම වැටුප් ව්යවස්ථා සංග්රහය අනුව සංශෝධනය කිරීමට නියමිතයි.
එම තීරණය හේතුවෙන් මේ වසරේ දෙසැම්බර් මස 31 වනදා වනවිට විශ්රාම යෑමට නියමිතව සිටි අයට අවුරුදු 63 දක්වා සේවය කිරීමට අවස්ථාව හිමි වෙනවා.
ඒ අනුව විශේෂඥ වෛද්යවරු, සියලුම ශ්රේණි වෛද්ය නිලධාරීන්, විශේෂඥ දන්ත සෛල වෛද්ය නිලධාරීන්, සියලුම දන්ත සෛල දෛව්ය නිලධාරීන්, සියලුම පරිපාලන ශ්රේණී වෛද්ය නිලධාරීන් හා රජයේ ලියාපදිංචි සියලුම වෛද්ය නිලධාරීන්ගේ අනිවාර්ය විශ්රාම ගැන්වීමේ වයස අවුරුදු 63 දක්වා දීර්ඝ කිරීමට නියමිතයි.
මීට පෙර තිබූ අවුරුදු 65 දී අනිවාර්ය විශ්රාම ගැන්වීමේ වයස 2022 වසරේ දී එවකට ආණ්ඩුව විසින් අවුරුදු 60 දක්වා පහත දමනු ලැබුවා.
