ඉන්දියාවෙන් පරිත්‍යාගයක් ලෙස ලැබුණු ඔක්ස්ෆර්ඩ් ඇස්ට්‍රාසෙනෙකා එන්නතේ දෙවන මාත්‍රාව හෙට (28) සිට ලබාදෙන බව ඖෂධ නිෂ්පාදනය, සැපයීම හා නියාමන රාජ්‍ය අමාත්‍ය චන්න ජයසුමන මහතා පවසනවා.
ඔහු පවසන්නේ සෞඛ්‍ය ක්ෂේත්‍රයේ සේවකයින්ට පළමුවෙන් එම දෙවන මාත්‍රාව ලබාදෙන බවයි.
පසුගිය අප්‍රේල් 17 වනදා මාධ්‍ය ඉදිරියේ අදහස් දක්වමින් ප්‍රාථමික සෞඛ්‍ය සේවා, වසංගත රෝග හා කොවිඩ් රෝග පාලන කටයුතු රාජ්‍ය අමාත්‍ය විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය පැවසුවේ ඔක්ස්ෆර්ඩ් ඇස්ට්‍රාසෙනෙකා මීළඟ තොගය අප්‍රේල් මස අග හෝ මැයි මස මුල ලැබීමට නියමිත බවයි.
