අලුතින් ඉදි කරන ලද මධ්‍යම අධිවේගී මාර්ගය වෙනුවෙන් ජනප්‍රිය තරුන ගායිකා යොහානි දිලෝකා ද සිල්වා විසින් ගීතයක් ගායනා කර තිබෙනවා.
මධ්‍යම අධිවේගී මාර්ගයේ මීරිගම සිට කුරුණෑගල දක්වා වන කොටස ජනතා අයිතියට පත් කෙරුණේ පසුගිය 15වැනිදායි.
ඒ, ජනාධිපති ගෝඨාභය රාජපක්ෂ මහතා සහ අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් පැවති උත්සවයකදීයි.
මධ්‍යම අධිවේග මාර්ගයේ දෙවන අදියරේ මිරිගම – කුරුණැගල දක්වා කොටස කිලෝමීටර් 40.91ක දුරින් යුක්ත වන අතර මේ සඳහා රුපියල් බිලියන 137ක් වැය වී ඇති බවයි වාර්තා වන්නේ.
මේ අතර, ඉන්දියාවේ පාලක පක්ෂය වන, භාරතීය ජනතා පක්ෂය (BJP) විසින් උත්තර් ප්‍රදේශ් මැතිවරණයේ දී සිය තේමා ගීතය ලෙස “මැණිකේ මගේ හිතේ” ගීතය පසුගියදා භාවිතා කළා. මැණිකේ මගේ හිතේ” සංගීතය මුල් කරගනිමින් එහි තනුවට සකසන ලද හින්දි පද රචනයක් එක්කරමින් ඔවුන් නව ගීතයක් නිර්මාණය කර ඇති අතර, මේ වනවිටත් එයට පක්ෂ විපක්ෂ පිරිස් දැඩි කැමැත්තක් දක්වන බවටයි ඉන්දීය මාධ්‍ය වාර්තාකර තිබුණේ.
