ශ්‍රී ලංකා කාන්තා කණ්ඩායම, කාන්තා ලෝක කුසලාන 20යි 20 ක්‍රිකට් තරගාවලියේ මුලික වටයේ සහභාගී වු අවසන් තරගයත් අද (12 නවසීලන්තය හමුවේ කඩුලු 8කින් පරාජයට පත් වුණා.
.සාජා හී පැවති තරගයේ කාසියේ වාසිය දිනාගත් ශ්‍රී ලංකා නායිකා චමරි අතපත්තු පළමුව පන්දුවට පහරදීමට තීරණය කළා
මෙම තරගයේදී චමරි අතපත්තු ලකුණු 35ක් සහ හර්ෂිතා සමරවික්‍රම ලකුණු 18ක් රැස්කළා.
ඒ අනුව, ශ්‍රී ලංකා කාන්තා කණ්ඩායම නියමිත පන්දුවාර 20 අවසානයේ කඩුලු 5ක් දැවී ලබාගත් ලකුණු සංඛ්‍යාව 115ක්.
ලකුණු 116ක ජයග්‍රාහී ඉලක්කයක් හඹාගිය නවසීලන්ත කාන්තා කණ්ඩායම පන්දුවාර 17 යි පන්දු 3ක් අවසානයේ කඩුලු 2ක් පමණක් දැවී සිය ඉලක්කය පසුකර යෑමට සමත් වුණා.
මෙම තරග පරාජත් සමගින් ශ්‍රී ලංකා කාන්තා කණ්ඩායම මූලික වටයේ සහභාගී වූ තරග සියල්ලම පරාජයට පත් වූ අතර, ඔවුන්ට පන්දුවාර 20 ලෝක කුසලාන තරගාවලියේ ඉදිරියට යාමට නොහැකි වීම මත, , ඔවුන්ට නැවත මෙරටට පැමිණීමට සිදුවනු ඇති.
