75 වැනි නිදහස් දිනයට සමගාමිව පවත්වනු ලබන ජනරජ පෙරහැර අද (19) පස්වරු ප.ව 6.30 ට වීදි සංචාරය කිරීම ආරම්භ කළා.
පෙරහර ගමන් ආරම්භ කරනු ලැබුවේ, මහනුවර ශ්‍රී දළදා මාළිගා පරිශ්‍රයේ සිටයි.
මෙම ජනරජ පෙරහැර අලි ඇතුන් 35 දෙනෙකුගෙන් සහ නර්තන කණ්ඩායම් 45 කින් සමන්විත වුණා.
එහිදී රාජ්‍ය ලාංඡනය මංගල හස්තිරාජයා පිට වැඩම කරවා වීථි සංචාරය කරවීම විශේෂත්වයක්.
ජනරජ පෙරහැර හේතුවෙන් අද (19) පස්වරුවේ මහනුවර නගරය ආශ්‍රිතව විශේෂ රථවාහන සැලැස්මක් ද, ක්‍රියාත්මක වුණා.
පොලීසිය සඳහන් කළේ, පස්වරු 05 සිට පෙරහැර අවසන්වන තෙක් එම රථවාහන සැලැස්ම ක්‍රියාත්මක බවයි.
විදුලිබිල 66%කින් වැඩිකර ජනතාව මත දැඩි ආර්ථික බරක් පටවා ඇති මොහොතක මෙවන් අසිරිමත් පෙරහැරක් පැවැත්වීමද විශේෂත්වයක් වනවා.
