අද (21) පැවති ගුරු වර්ජනය අති සාර්ථකව දිවයින පුරාම ක්රියාත්මක වෙමෙින් පවතින බව ලංකා ගුරු සංගමයේ ලේකම් ජෝසප් ස්ටාර්ලින් මහතා පවසනවා.
ඔහු සදහන් කළේ උතුරු නැගෙනහිර පළාත්වල ගුරු වර්ජනය ක්රියාත්මක කිරීමට නොහැකි බවට සරත් වීරසේකර වැනි ඇමතිවරුන් පවසා සිටියත් උතුරු නැගෙනහිර පවා අද දිනයේ සාර්ථක ලෙස වර්ජනය ක්රියාත්මක වෙමින් පවතින බවයි.
වර්ජනය හේතුවෙන් පාසල්වලට දරුවන් මෙන්ම ගුරුවරුන්ද නොපැමිණි අතර බොහෝ පාසල්වල විදුහල්පතිවරුන් පවා පාසලට නොපැමිණ ආණ්ඩුවට සිය විරෝධය දක්වා තිබෙනවා.
ජෝසප් ස්ටාර්ලින් මහතා News19 වෙත සදහන් කළේ ගුරුවරුන් අද ලබාදුන් පණිවුඩය ආණ්ඩුව තේරුම් ගෙන වහාම අමාත්ය අනුකමිටුව මගින් යෝජනා කළ වැටුප් වැඩිවීම ගුරුවරුන් වෙත ලබාදීමට ආණ්ඩුව කටයුතු කළ යුතු බවයි.
එසේ නොවුනහොත් නැවත වරක් උද්ඝෝෂණ මාලාවක් තුළින් යළිත් ආණ්ඩුවට විරෝධය දැක්වීමේ ක්රියාමාර්ගය ආරම්භ කරන බවද ඔහු වැඩිදුරටත් සඳහන් කළා.