මේ වන විට දින 12 ක් පුරා කොළඹ වරාය ආසන්න මුහුදේ නවතා තිබෙන ගෑස් නෞකා දෙකට අදාළ ගෙවීම් ඊයේ දිනය වන විට සිදුකල බව ජනාධිපති මාධ්‍ය අංශය ඊයේ (16) නිවේදනය කළා.
කෙසේවෙතත් ඩොලර් මිලියන 8 ක අදාළ මුදල ගෙවා නිමකලද ලිට්‍රෝ සමාගම ගෙවීමට ඇති ඩොලර් මිලියන 6 ක ණය මුදලක් පියවන තෙක් ගෑස් නිදහස් කළ නොහැකි බවට අදාල විදේශ ගෑස් සමාගම පවසා තිබෙනවා.
මේ හේතුවෙන් හෙට දිනයේ පටන් මෙරට ගෑස් සැපයුම යථා තත්ත්වයට පත්වන බවට විශ්වාස කළද එය තවදුරටත් අර්බුදයක් වී ඇති බවයි වාර්තා වන්නේ.
පවත්නා තත්ත්වය හේතුවෙන් මේ දක්වා අදාළ ගෑස් නෞකා දෙකෙන් ගෑස් ගොඩබෑම ආරම්භ කර නොමැති බවත් ඒ පිළිබඳව සාකච්ඡා කරමින් සිටින බවත් ලිට්‍රෝ සමාගමේ අභ්‍යන්තර ආරංචි මාර්ග සදහන් කරනවා.
