කොවිඩ් 19ට එරෙහිව ඇමෙරිකාවේ ‘මර්ක්’ ඖෂධ නිෂ්පාදන සමාගම නිපදවූ ‘මොනුපියර්වියර්’ ඖෂධයට පළමු අනුමැතිය බ්රිතාන්යයෙන් හිමිව තිබෙනවා.
‘මොනුපියර්වියර්’ වයිරස නාශක ඖෂධයක් වන අතර එහි අතුරු ආබාධ කිසිවක් නොමැති බවයි ‘මර්ක්’ සමාගම පෙන්වා දී ඇත්තේ.
එම ඖෂධය භාවිතයට ගැනීමෙන් පසුව යමෙකු ආසාදිත වුවහොත් ඔහුට බරපතල තත්වයක් ඇති නොවන බවත් රෝගීන්ට රෝහල්ගතවීමට සිදුනොවන බවත් ඔවුන් මරණයට පත්වීමට ඇති ඉඩකඩද අවම වන බව සියලුම සායනික පර්යේෂණවලින් තහවුරු වී ඇති බවත් ‘මර්ක්’ සමාගම පැහැදිලි කර සිටිනවා.
සායනික පර්යේෂණවලදී ‘කොවිඩ් 19’ රෝගීන්ට දිනකට දෙවරක්, කරල් 4 ක් බැගින්, දින පහකට ‘මොල්නුපියවියර්’ ලබා දීම සිදු කළ බවත් අදාල සමාගම පවසනවා.
ලෝක සෞඛ්ය සංවිධානය සමඟ එක් වී, කිසිදු ලාභයක් අපේක්ෂා නොකර ‘මොනුපියර්වියර්’ කරල් දිළිඳු රටවලට ලබා දීමේ වැඩපිළිවෙළක් සැකැසීම කෙරෙහි ද මේ වනවිටත් ‘මර්ක්’ සමාගමේ අවධානය යොමු වී ඇති බවයි පැවසෙන්නේ.