තේ දළු නෙලන වතු කම්කරුවන්ට කුඩයක් හදුන්වා දිමට හොරණ වැවිලි සමාගම යටතේ පාලනය වන ස්ටොක්හොම් වතු යායේ වතු පාලන අධිකාරිය පියවර ගෙන තිබෙනවා.
එම කම්කරුවන් අව්වෙන් වැස්සෙන් පිඩාවට පත් නොවි පහසුවෙන් තේ දළු නෙලිම සදහා මෙම කුඩය හදුන්වා දුන් බව එම වතුයායේ වතු අධිකාරි නදීර ගුණසේකර මහතා පවසනවා.
වතු සමාගමේ ප්රධාන විධායක නිලධාරි ජේ.රොද්රිගෝ මහතා සහ වතු සමාගමේ සමාන්යාධිකාරි වසන්ත ගුණවර්ධන මහතාගේ සංකල්පයක් මත තම වතුයායේ තාක්ෂණ නිලධාරින් සමග එක්ව නියමු ව්යාපෘතියක් ලෙස මෙම කුඩය හදුන්වා දුන් බව වතු අධිකාරිවරයා සඳහන් කර සිටියා.
jතු අධිකාරිවරයා කියා සිටියේ දැනටමත් වතු සමාගම විසින් තේ දළු නෙලන වතු කම්කරුවන්ට සැහැල්ලු බටවලින් සකස් කරන ලද තේ කුඩයක් ලබා දී ඇති අතර, එයට සමගාමිව මෙම කුඩය හඳුන්වා දුන් බවයි.
කුඩයට බඳ පටි සකස් කර ඇති අතර, එම කුඩය පැළඳ පහසුවෙන්ම තේ වත්තේ තේ දළු නෙලිමට පහසු බව සේවක්යින් පවසනවා.
එක කුඩයකට රුපියල් 1600ක පිරිවැයක් යොදා ඇති නමුත් මෙම කුඩ එහි සේවකයින්ට නොමිලේ ලබා දී තිබෙන බවයි පැවසෙන්නේ.
ඒ අනූව තේ දළු නෙලිමේ කටයුතු සාර්ථකව සිදු කිරිමට හැකි බවයි වතු අධිකාරිවරයා කියා සිටියා.
වතු කම්කරුවන්ට හඳුන්වා දුන් නව කුඩය සඳහා පේටන් බලපත්රයක් ලබාගැනිමට කටයුතු කරන බව එම වතුයායේ වතු අධිකාරි නදීර ගුණසේකර පවසනවා.
