‘නෙල්සන් මැන්ඩෙලා රීති‘ වලට අනුගතව සිරකරුවන්ගේ අයිතිවාසිකම් සුරැකීම රජයක වගකීමක් වන බව එක්සත් ජාතීන්ගේ මෙරට නේවාසික සම්බන්ධීකාරක කාර්යාලයේ ප්රධානී හැනා සිංගර් – හැම්ඩි මහත්මිය පවසනවා.
එක්සත් ජාතීන්ගේ නේවාසික සම්බන්ධීකාරක කටයුතු සඳහා එක්සත් ජාතීන්ගේ සංවිධානයේ මහලේකම්වරයා විසින් නම් කරන ලද නියෝජිතයා වශයෙන් එක්සත් ජාතීන්ගේ මෙරට කණ්ඩායමට නායකත්වය ලබා දෙන එම කාර්යාලය මෙරට රජය සමඟ සමීපව කටයුතු කරමින් එක්සත් ජාතීන්ගේ පද්ධතියේ අවශ්යතා සහ නියෝගයන් වෙනුවෙන් පෙනී සිටිනවා.
පසුගියදා අනුරාධපුර බන්ධනාගාරයට ගිනි අවියක් අතැතිව ඇතුළු වූ රාජ්ය අමාත්යවරයෙක් ගිනි අවිය පෙන්වමින් සිරකරුවන්ට යම් හිංසනයක් පැමිණවීම පිළිබඳව අදහස් දක්වමින් හැනා මහත්මිය පවසන්නේ සිරගතව සිටින සියළුම දෙනාගේ අයිතිවාසිකම් තහවුරු කිරීමට සහ සිරකරුවන්ට අයුතු ලෙස සැලකීම හෙළා දැකීමට ඇති හැකියාව ශක්තිමත් කිරීමට එක්සත් ජාතීන්ගේ සංවිධානය කටයුතු කරන බවයි.
මේ අතර, අදාල සිදුවීම සිදුවූ බවට ද්රවිඩ ජාතික ජනතා පෙරමුණ සහතික කරන බවට අකිල ඉලංකෙයි තමිල් කොංග්රස් ජාතික ලැයිස්තු පාර්ලිමේන්තු මන්ත්රී ජී. ජී. පොන්නම්බලම් මහතා පවසනවා.
තවද, දාල රාජ්ය අමාත්යවරයාව තනතුරෙන් බැහැර කර ඔහුව වහාම අත් අඩංගුවට ගන්න ලෙස TNA පක්ෂය රජයෙන් ඉල්ලා සිටිනවා.
ශ්රී ලංකාව මානව හිමිකම් අර්බුදයකට මුහුණ දී ඇති අවස්ථාවක අදාල රාජ්ය අමාත්යවරයාගේ හැසිරීම රටම අවදානමක හෙළන්නක් බවට විද්වත් අදහස් පලවනවා.
