ජල සම්පාදන හා ජලාපවාහන මණ්ඩලය පවසන්නේ මාස කිහිපයක් ජල බිල්පත් නොගෙවූ පාරිභෝගිකයින් 40,000කට අධික සංඛ්යාවක ජල සබඳතා විසන්ධි කිරීමට සිදුව ඇති බවයි.
එහි ජ්යෙෂ්ඨ නිලධාරියෙකු සඳහන් කළේ, ඔවුන්ගෙන් මණ්ඩලයට රුපියල් මිලියන 1600 කට අධික මුදලක් අයවිය යුතු බවත්
ඉන් 15000 කට එරෙහිව නඩු පැවරීමට ද ජල සම්පාදන මණ්ඩලය මේ වනවිට සැලසුම් කර ඇති බවයි.
ඒ අතර ගෘහස්ථ පාරිභෝගිකයින්, ව්යාපාරික ස්ථාන මෙන්ම රාජ්ය ආයතන ද වන බව ජල සම්පාදන මණ්ඩලය සඳහන් කරනවා.
ඔවුන් පවසන ආකාරයට පසුගිය සැප්තැම්බර් මාසයේදී ජල ගාස්තු ඉහළ දැමිමත් සමග බිල්පත් ගෙවීම 40% ක් දක්වා අඩුවී තිබෙනවා.
පාරිභෝගිකයින්ගෙන් අයවිය යුතු මුදල රුපියල් මිලියන 8400කට අධික බවයි ජල සම්පාදන මණ්ඩලය පවසන්නේ.
මෙවැනි තත්ත්වයක් යටතේ ජල සම්පාදන මණ්ඩලය දැඩි මූල්ය ගැටලුවකට මුහුණ දී ඇති බව ද එම ජ්යෙෂ්ඨ නිලධාරියා ප්රකාශ කළා .