හෙරොයින් මත්ද්රව්ය නොමැති වීම හේතුවෙන් කම්කරුවන් පොහොර ලොරිවලට පැටවීමේ වැඩ සඳහා නොපැමිණෙන බව කොමර්ෂල් සහ ලංකා පොහොර සමාගමේ සභාපතිවරුන් කෘෂිකර්ම අමාත්ය මහින්ද අමරවීර මහතාට දැනුම් දී තිබෙනවා.
මේ දිනවල වත්තල පිහිටි රජයේ පොහොර සමාගම වන කොමර්ෂල් සහ ලංකා පොහොර සමාගම් හරහා පොහොර බෙදා හැරීමේ කටයුතු කරනු ලබනවා.
එහි ප්රගතිය විමසා බැලීම සඳහා කෘෂිකර්ම අමාත්යාංශයේ පැවැති සාකච්ඡාවකදී සභාපතිවරුන් මේ බව අමාත්යවරයාට දැනුම් දී තිබෙනවා.
කම්කරු හිඟය නිසා පොහොර බෙදා හැරීමේ කටයුතුවලට බාධා සිදුව ඇති බවයි සභාපතිවරුන් මෙහිදී අමාත්යවරයාට පෙන්වා දී ඇත්තේ.
ඊට පිළිතුරු ලෙස අමාත්යවරයා මෙම සාකච්ඡාවේ දී සභාපතිවරුන්ට ප්රකාශ කර ඇත්තේ කඩු ලබාදීමට අමාත්යාංශයට හැකියාවක් නොමැති බවයි.
ඒ හේතුවෙන් සිවිල් ආරක්ෂක දෙපාර්තමේන්තුවේ සහාය ලබාගෙන පොහොර පැටවීමේ කටයුතු සිදු කරන ලෙස අමාත්යවරයා සභාපතිවරුන්ට දැනුම් දී තිබෙනවා.
මේ සඳහා වැය වෙන සියලු මුදල් සිවිල් ආරක්ෂක දෙපාර්තමේන්තුව වෙත කෘෂිකර්ම අමාත්යාංශය මඟින් ලබා දෙන බවයි කෘෂිකර්ම අමාත්යවරයා සාකච්ඡාවට එක්වූ සභාපතිවරුන්ට ප්රකාශ කර ඇත්තේ.