චීනය දරිද්‍රතාව තුරන් කළ රටක් ලෙස චීන ජනාධිපතිවරයා විසින් අද (25) ප්රකාශයට පත් කරනු ලැබූවා.
චීන ජනාධිපති ෂී ජින් පින් මහතා බීජිං නුවර පැවති උත්සවයක් අමතමින් මෙම ප්‍රකාශය සිදුකර තිබෙනවා.
ඔහු පවසන්නේ පසුගිය වසර 8 තුළ චීනය දරිද්‍රතාවයෙන් පෙළෙන ග්‍රාමීය වැසියන් මිලියන 98.99 ක් දරිද්‍රතාවයෙන් මුදාගෙන ඇති බවයි.
එය පාලක කොමියුනිස්ට් පක්ෂයේ 100 වන සංවත්සරය වෙනුවෙන් එම පක්ෂය සිය ජනතාවට ලබාදුන් ත්‍යාගයක් ලෙසයි ප්‍රකාශ වී ඇත්තේ.
එමෙන්ම 1970 දශකයේ අගභාගයේ සිට මේ දක්වා කාලය තුළ පුද්ගලයින් මිලියන 770 ක් දරිද්‍රතාවයෙන් මුදා ගැනීමට චීනයට හැකි වී ඇති වී ඇති බවද ඔහු සදහන් කළා.
තවද ගෝලීය දරිද්‍රතා දර්ශකය පහත හෙළීම සඳහා චීනය 70% ක දායකත්වයක් දී ඇතැයි ද චීන ජනාධිපතිවරයා වැඩිදුරටත් ප්‍රකාශ කර සිටියා.
කොවිඩ් 19 වෛරසයේ ව්‍යාප්තිය හමුවේ ලොව රටවල් රැසක් ආර්ථික වශයෙන් කඩා වැටී තිබෙන අවස්ථාවක චීනය දුප්පතුන් නොමැති රටක් ලෙස ප්රකාශයට පත් කිරීම විශේෂත්වයක්.
කෙසේ වෙතත් චීනයේ තත්ත්වය එසේ වද්දී ලෝකයේ බොහෝ රටවල් චීන ණය උගුලක සිරවී ඇති බවට ආර්ථික විශ්ලේෂකයින් චෝදනා කරනවා.
