ලොව විශාලතම බහලුම් නෞකාව කොළඹ වරායට

ලොව විශාලතම බහලුම් නෞකාව ලෙස හඳුන්වන ‘EVER ACE’ නෞකාව ඊයේ (05) රාත්‍රියේ කොළඹ වරායට සේන්දු විය.

මෙම නෞකාවට ගමන් කළ හැක්කේ ලෝකයේම වරායවල් 24කට පමණක් වන අතර කොළඹ වරාය ද ඊට ඇතුළත් වීම විශේෂත්වයකි.

එම නෞකාව කොළඹ වරාය වෙත පිවිසි මංගල ගමන ද මෙය බවයි වරාය අධිකාරිය දැනුම් දෙන්නේ.

මෙය ශ්‍රී ලංකා වෙළෙඳ නාවික ඉතිහාසයේ සුවිශේෂි සන්ධිස්ථානයක් වන බවත් වරාය අධිකාරිය පවසනවා.