උතුරු නැගෙනහිර අධි ආරක්ෂිත කලාප වල ඇති පාරම්පරික ඉඩම් යළි ජනතාවට ලබාදීමේ කටයුතු විධිමත් කිරීම සඳහා ස්ථිර කාර්යාලයක් පිහිටුවා තිබෙනවා.
මෙම කාර්යාලය පිහිටුවා ඇත්තේ සාගල රත්නායක මහතාගේ උපදෙස් පරිදියි.
ඒ අනුව යුද හමුදා බ්රිගේඩියර්වරයකුගේ ප්රධානත්වයෙන් පිහිටුවා ඇති මෙම කාර්යාලය මගින් මාස හයක කාලසීමාවක් ඇතුලත අදාල ගැටළුව විසඳිය යුතු වනවා.
මෙහිදී ජාතික ආරක්ෂාවට තර්ජනයක් නොවන අයුරින් ඉඩම් හිමි ජනතාවට ආසාධාරණයක් නොවන ලෙස මෙම ගැටළුව විසඳීම අරමුණ කරගනිමින් අදාළ කාර්යාලය පිහිටුවන ලෙස ඒ මහතා ආරක්ෂක මාණ්ඩලික ප්රධානී ජනරාල් ශවේන්ද්ර සිල්වා මහතාට උපදෙස් ලබා දී තිබෙනවා.
2009 වසර වන විට ආරක්ෂා හමුදා සතුව ජනතාවගේ ඉඩම් අක්කර 23,850.72ක් පැවැති අතර මේ වසර මුල වන විට එම ඉඩම් වලින් අක්කර 20775.52ක් මුදා හැර ඇති බවයි වාර්තා වන්නේ.
ඊට අමතරව තවත් අක්කර 106ක භුමි ප්රමාණයක් 2023 පෙබරවාරි මසදී මුදා හැර ඇති බව සඳහන්.
රජයේ ආරංචි මාර්ග පෙන්වා දෙන්නේ තවත් අක්කර 2989.80ක් ජනතාවට මුදා හැරීම වෙනුවෙන් හඳුනාගෙන තිබෙන අතර රටේ ආරක්ෂාව සම්බන්ධයෙන් පැන නැගිය හැකි ගැටළුවලට විසඳුම් ලබාදීමෙන් අනතුරුව මෙම ඉඩම් ප්රමාණය ද නිදහස් කිරීමට නියමිතයි.
පාරම්පරික ඉඩම් ජනතාවට මුදා හැරීමේදී ජාතික ආරක්ෂාවට මෙන්ම ජනතාවට කිසිදු ගැටළුවක් නොවන අයුරින් විධිමත් ක්රමවේදයක් සකස් කිරීමේ අරමුණින් මෙම කාර්යාලය ස්ථාපිත කිරීමට නියමිතයි.