ශ්රී ලංකා පොදුජන පෙරමුණ වැඩබලන ජනාධිපති රනිල් වික්රමසිංහට සහය ලබා දීමට ගත් තීරණයේ කිසිදු වෙනසක් නැතැයි එම පක්ෂයේ ලේකම් පාර්ලිමේන්තු මන්ත්රී නීතිඥ සාගර කාරියවසම් පවසනවා.
ලේකම්වරයා වැඩිදුරටත් සඳහන් කරන්නේ රනිල් වික්රමසිංහ මහතාට සහාය ලබාදිය යුතු බව පක්ෂයේ බහුතර මන්ත්රීවරුන් පිරිසකගේ මතය බවයි.
පක්ෂයේ තීරණය සම්බන්ධයෙන් පළාත් මට්ටමෙන් මන්ත්රීවරුන් දැනුවත් කිරීමට පියවර ගෙන ඇතැයිද ඔහු සඳහන් කරනවා.
මේ අනුව පක්ෂයේ තීරණය පිළිබඳව උතුරු නැගෙනහිර පළාතේ පාර්ලිමේන්තු මන්ත්රීවරුන් හෙට දැනුම්වත් කෙරෙන බවයි ඔහු පවසන්නේ.
කෙසේ නමුත් පක්ෂයේ අපේක්ෂකයෙකු ඡන්දයට ඉදිරිපත්වීමට තීරණය කර ඇති පසුබිමක වෙනත් පක්ෂයක අපේක්ෂකයෙකුට සහාය ලබාදීම සිදුකළ නොහැකි බව පොදුජන පෙරමුණේ මන්ත්රීවරුන් රැසක් පවසන බවයි පක්ෂයේ අභ්යන්තර ආරංචි මාර්ග පවසන්නේ.
සාගර කාරියවසම්ගේ ප්රකාශය අභියෝගයට ලක් කරමින් ශ්රී ලංකා පොදුජන පෙරමුණේ සභාපති ජී.ඇල්. පීරිස් විසින් පක්ෂ ලේකම්වරයා වෙත ඊයේ ලිපියක් යොමුකර තිබිණි. අදාල ලිපියට කඩිනමින් ප්රතිචාර දක්වන බවයි ලේකම්වරයා පවසන්නේ.