රට තුළ අත්‍යවශ්‍යය ආහාර ද්‍රව්‍ය හිඟයක් උද්ගත වී ඇති බවට පැතිර යන වාර්තාවල කිසිදු සත්‍යතාවක් නොමැති බව මුදල් හා ප්‍රාග්ධන වෙළෙඳපළ සහ රාජ්‍ය ව්‍යවසාය ප්‍රතිසංස්කරණ රාජ්‍ය අමාත්‍ය ජිත් නිවාඩ් කබ්රාල් මහතා පවසනවා.
ඇතැම් දේශීය සහ විදෙස් මාධ්‍ය මෙන්ම සමාජ මාධ්‍ය ශ්‍රී ලංකාවේ බරපතළ ආහාර හිගයක් හටගෙන ඇතැයි ප්‍රචාරය කරමින් සිටින අතර එම වාර්තාවල කිසිදු පදනමක් නොමැති බවයි රජයේ ප්‍රවෘත්ති දෙපාර්තමේන්තු නිවේදනයක් උපුටා දක්වමින් ඒ මහතා පෙන්වා දෙන්නේ.
ඇතැම් කූඨ වෙළඳුන් පසු ව වැඩි මිලට විකුණා අධික ලාභ උපයා ගැනීමේ අරමුණ ඇති ව වී, සහල්, සීනි ඇතුළු අත්‍යවශ්‍ය ආහාර ද්‍රව්‍ය තොග වශයෙන් සඟවා තබන බවට ලද තොරතුරු මත ඔවුන්ට එරෙහිව නීතිය ක්‍රියාත්මක කිරීම දැනටමත් සිදු කර ඇති බවත් ඔහු පෙන්වා දෙනවා.
