2022 මාර්තු මස 22 වන දින සිට මත්පැන් නිෂ්පාදනය නතර කරන බවට සමාජ මාධ්යවල පුවත සම්පූර්ණයෙන්ම සාවද් ව්න බව සුරාබදු දෙපාර්තමේන්තුව නිවේදනයක් නිකුත් කරමින් පවසා සිටිනවා
ඉන්ධන හිඟය හා විදුලි කප්පාදුව හේතුවෙන් එතනෝල් නිෂ්පාදනයට බාධා පැමිණීම නිසා එය මත්පැන් නිෂ්පාදනයට බලපෑම් කර ඇති බවයි එම පුවතේ දැක්වුනේ.
කෙසේ නමුත් සුරාබදු දෙපාර්තමේන්තුව නිවේදනයක් නිකුත් කරමින් පෙන්වා දෙන්නෙ එසේ පළවී ඇති පුවත් සාවද්ය බවත් අරක්කු ඇතුළු දේශීය මත්පැන් නිපදවන සුරාබදු බලපත්ර ලත් මත්පැන් නිෂ්පාදනාගාර 23ක් දිවයින තුළ ක්රියාත්මක වන අතර, ඒවාට අවශ්ය එතනෝල් ඇතුළු අමුද්රව්ය දේශීය වෙළෙඳපොළ තුළින් ලබාගැනීමේ හැකියාව මේ දක්වා පවතින බවත් සුරාබදු දෙපාර්තමේන්තුව අවධාරණය කර සිටිනවා.
මෙම සාවද්ය වාර්තා නිසා නීතිවිරෝධී ලෙස මත්පැන් රැස්කිරීමටත්, මත්පැන් නිෂ්පාදකයින් අතර සදාචාර සම්පන්න නොවන අලෙවිකරණ උපාය මාර්ගයන් අනුගමනය කිරීමටත් අවකාශ ලැබෙන හෙයින් එම වාර්තා හා ප්රවෘත්ති නිවැරදි කිරීමට ක්රියා කළ බවයි සුරාබදු කොමසාරිස් (නීති ක්රියාත්මක කිරීම්), මාධ්ය ප්රකාශක කපිල කුමාරසිංහ මහතා පෙන්වා දෙන්නේ.