26 C
Colombo
Sunday, November 27, 2022

මුදල් මුද්‍රණය නැවැත්තුවාම ප්‍රශ්න එනවා..! – රනිල් 

- Advertisement -

තරුණයන්ගේ නැගිටීම වර්තමානේ දේශපාලන ඉතිහාසයේ විශාල පෙරළියක් බව හිටපු අග්‍රාමාත්‍ය රනිල් වික්‍රමසිංහ මහතා පවසනවා.

ඒ, සමාජ මාධ්‍ය හරහා විශේෂ ප්‍රකාශයක් කරමින්.

ඔවුන්ගේ නැගිටීම සම්ප්‍රදායික දේශපාලඥයින් පිළිගත යුතු බවයි ඔහු පවසන්නේ.

එහිදී වැඩිදුරටත් අදහස් දැක්වූ එක්සත් ජාතික පක්ෂයේ නායක පාර්ලිමේන්තු මන්ත්‍රී රනිල් වික්‍රමසිංහ මහතා,

“මේක වර්තමාන දේශපාලන ඉතිහාසයේ විශාල පෙරළියක්. මේක තමයි ළඟදී විශාලතම අපි දැකපු කණ්ඩායම. බස් නැතිව එක පණිවිඩයකින් ආවේ. ඉතාම සාමකාමීව පණිවිඩයක් දෙන්න ආවේ. නුවරත් තිබුණා. අනිත් තැන්වලත් තිබුණා. මෙතන බලය තහවුරු කළා.

දැන් ඉදිරියට ඇවිත් තියෙන්නේ මේ කණ්ඩායම. ජනපතිතුමාට ඉල්ලා අස්වෙන්න කිව්වා. ප්‍රතිචාරයට සෑහිමකට පත්වුණේ නෑ. මේක පටන් ගත්තේ මධ්‍යම පංතියේ ව්‍යාපාරයක් ලෙස. ඉදිරියට ආවේ තරුණයින්. තරුණයන් කියන්නේ අපිට අපේ අනාගතය හදලා දෙන්න කියන්නේ. නැත්නම් අපි කරන්නම් කියන පණිවිඩය තමයි ඒ අය කියන්නේ.

තරුණයන් පළමුවෙන්ම කියන්නේ ගෝඨා ගෙදර යන්න කියලා. ගෝඨා තවම ගෙදර ගිහින් නෑ. ගෙදර යවලා තියෙන්නෙ මම විතරයි. ඒ කාලේදී මේ ගැන හිතලා බලන්න මට අවස්ථාව තිබුණා. අලුත් බලකේන්ද්‍ර ඇවිත් තියෙනවා. මේක දේශපාලඥයින්ට වැටහෙන්න ඕන මොකක්ද වෙන්නේ කියලා.

ඒ කාරණය වටහා ගන්නේ නැත්නම් අපිට ඉදිරියට යන්න බෑ. මේ පෙරළිය විප්ලවයක්. මේක පුපුරනවා. පාර්ලිමේන්තුව ඉඳන් ආණ්ඩුව වෙනස් කරන්න කුමන්ත්‍රණ කරනවා. පිට ඉන්න තරුණ පිරිස බලන්නේ දේශපාලන පෙරළියක් ඇති කරන්න.

පළමුව පාර්ලිමේන්තුව එකතු කරන්න ඕන. මේ හානිය මෙතිනන් ඉවර වෙන්නේ නෑ. උද්ධමනය තවත් ඉහළට යනවා. ජූලි අගෝස්තු වන විට ජිවත්වෙන්න බැරි වෙනවා. මුදල් මුද්‍රණය කිරීම නැවැත්තුවාම ඒකෙනුත් ප්‍රශ්න එනවා. මහ බැංකුවෙන් පොලිය වැඩි කළා ඒවා කරන්න වෙනවා. ඒකෙන් කුඩා ව්‍යාපාරවලට වැදෙනවා.

තරුණයන් මේ රටේ තියාගන්න නම් අපි අලුත් දෙයක් කරන්න වෙනවා. මේක වැටිලා තියෙන නිසා අලුත් එකක් හදන්න පුළුවන්. තරගකාරි ආර්ථිකයක් ඇති කරන්න ඕන. ස්ථාවර භාවය ඇති කරලා සහන දීලා මේක කරන්න ඕන. අපිට යන්න තියෙන්නේ අලුත් ගමනක්. මේක අපි වටහා ගන්නේ නැත්නම් අපි පහුකරගෙන මේ අය මේ ගමන යයි.

ඔබේ පීඩනය මම දන්නවා. අනාගතය නැතිවිමේ භය මම දන්නවා. සාමකාමීව මේ වැඩේ කරනවා. ඒකට මම ප්‍රශංසා කරනවා. අපි ක්‍රමවේදය වෙනස් කරන්න ඕන. ඒක ව්‍යවස්ථාව තුළින් කරන්න ඕන. ඒ තුළින් ඒක කරන්න පුළුවන්. මම මේ තරුණ අයට කියනවා ඉදිරියට යන්න. සම්ප්‍රදායික දේශපාලඥයින්ට මම කියන්නේ අපි වෙනස් වෙන්න ඕන මේක වටහාගෙන අපි ක්‍රියා කරමු.”

RECENT ARTICLES - SINHALA

චිචී රොකට් යවා අදට වසර 10 ක්. දෙකම ආගිය අතක් නැහැ

හිටපු ජනාධිපති මහින්ද රාජපක්ෂ මහතාගේ බඩපිස්සා වන රෝහිත රාජපක්ෂ මහතා හෙවත් 'චිචී' මහතාගේ මූලිකත්වයෙන් මෙරට ජනතාවගේ බදු මුදල් යොදවාගෙන චන්ද්‍රිකාවක් අභ්‍යාවකාශ ගත...

මෙරට ඖෂධ හිඟයට විසඳුමක්?

0
ලබන මස අවසන් වීමට පෙර මෙරට පවතින ඖෂධ හිඟය සඳහා යම් පිළියමක් ලබා දීමට හැකියාව පවතින බව සෞඛ්‍ය අමාත්‍ය කෙහෙළිය රඹුක්වැල්ල මහතා...

සතියකින් මුදල් නොලැබුණොත් කාසල් විදිය රෝහලේ විදුලිය කපා දැමීමේ අවධානමක්

0
කාසල් වීදියේ රෝහලේ විදුලිය විසන්ධි වීමේ අවධානමක් මතුව තිබෙනවා. රුපියල් ලක්ෂ 170ක හිඟ විදුලි බිලක් තිබීම හේතුවෙන් මෙම අවධානම...

RECENT ARTICLES - ENGLISH

COPE informs Fisheries Corporation to pay outstanding EPF/ETF payments

0
The Committee on Public Enterprises (COPE) has informed Fisheries Corporation to propose expeditious action on Rs.600 million outstanding EPF & ETF payments...

Dan Priyasath launched a ‘war’ against female teachers’ attire

0
A person named Dan Priyasath led a group of males to hold a protest in front of the Ceylon Teachers' Union office...

Keeping 5g of Ice: Death sentence to anyone, including school children

0
As of yesterday, the Supreme Court has the power to award the death penalty to anyone, including school children for possession of...