දුස්තොරතුරැ විමර්ශන කණ්ඩායමක් වන OSINT ඩිස්ඉන්ෆෝ ලැබ් (www.thedisinfolab.org) හි වාර්තාවකට අනුව ශ්‍රී ලංකාව දකුණු ආසියාවේ විශාල අසල්වැසියන් දෙදෙනෙකු අතර උපාය මාර්ගික සෙල්ලමක ඉත්තෙකු බවට පත්ව ඇත. ‘පාකිස්තානයේ 5 වන පරම්පරාවේ යුද්ධයේ උපාය මාර්ග යන මාතෘකාවෙන් යුත් මෙම වාර්තාවට අනුව පකිස්තානය , ඉන්දියාව ඉලක්ක කර ගැනීම සඳහා සමාජ මාධ්‍යවලින් වාසි ලබා ගන්නා බවත් මෙහිදී ලංකාව සහ එහි සමාජ මාධ්‍ය පරිශීලකයින් උකසක් ලෙස භාවිතා කරන බවත් පෙනේ.
මෙම තොරතුරු යුද්ධය අලුත් දෙයක් නොවේ. මීට වසර දෙකකට පමණ පෙර ලංකාවේ සිදු වූ බිහිසුණු පාස්කුදින පිපිරීම් මාලාවෙන් පසු පාකිස්තානය පදනම් කරගත් සමාජ මාධ්‍යභාවිතා කරන්නන් විසින් ව්‍යාජ ලාංකික බිගේඩියර්වරයකු ආවරණය කර ඉන්දීය ඔත්තු සේවා මෙයට සම්බන්ධ බවට චෝදනා කරමින් වැරදි තොරතුරු මෙහෙයුමක් දියත් කළේය. අයිඑස්අයිඑස් සහ ඉස්ලාම් අන්තවාදීන්ගේ භූමිකාව මේ පිටුපසින් මතු වූ අතර පසුව මේ ව්‍යාජ තොරතුරැ මෙහෙයුම පිළිබදවද අනාවරණය විය.
මේ ඒ පිළිබද උදාහරණයි.
මෙම දුස් තොරතුරැ මෙහෙයුම අඛණ්ඩව සිදුවී ඇති අතර කලින් හෙළිදරව්ව තිබියදීත් පාකිස්තානය පදනම් කරගත් ව්‍යාජ පුවත් යටිතලය එහි දේශපාලකයන් , ආකෘති සහ විවිධ ලාංකික ආයතනවල අනන්‍යතා සොරකම් කිරීම මගින් ඉන්දියාව ඉලක්ක කර ගැනීමේ උත්සාහයන් තවදුරටත් තීව්‍ර කර ඇති බව පෙනේ. ඉන්දියාව ඉලක්ක කර ගැනීම සදහා ලාංකික පුද්ගල නාම ව්‍යාජ ලෙස නිර්මාණය කර ඇති අතර එහිදී ලංකාවේ නම් හෝ සංස්කෘතිය තේරුම් නොගෙන අමුතු ශබ්ද නාම නිර්මාණය කිරීම එය තහවුරැ කරයි. මෙහි එන සනත් යන ලාංකික නාමය භාවිතා තර ඇති ආකාරය ඊට හොදම උදාහරණයකි.
එම වාර්තාවෙන් හෙළිවන පරිදි පකිස්ථාන දුස්තොරතුරැ වැඩසටහන මෙය කළමනාකරණය කර ඇත්තේ ට්විටර්හි ඇති ලිහිල් තත්වයක් උපයෝගී කරගනිමිනි. එමඟින් හසුරුවීමේ පැතිකඩෙහි වෙනස්කම් පිළිබඳ විස්තර සපයන්නේ නැත. එයින් අදහස් වන්නේ එක් හැසිරවීමකට අද එක් ස්වරෑපයක් ලබා ගත හැකි බවත් ඊළඟ දවසේ මුළු ස්වරෑපයම වෙනස් කළ හැකි බවයි. වාර්තාවෙන් හෙළිදරව් කර ඇති උදාහරණවල හසුරුවීම් කිහිප වතාවක් වෙනස් කර ඇති අතර සෑම අවස්ථාවකම ඉන්දියානු විරෝධයත්, පකිස්තානය ලංකාවේ මිතුරෙකු ලෙස කටයුතු කරන බවත් ඇගවීමට උත්සහ දරා තිබේ. ඇත්ත වශයෙන්ම ඉන්දියාව ඉලක්ක කර ගැනීම සඳහා ලාංකිකයන්ගේ අනනයතා සොරකම් කිරීමේ මෙම පකිස්ථාන වංචනික හසුරුව දැන් අත්හිටුවා තිබේ. කෙසේවෙතත් ලාංකිකයන්ගේ අනනයතා සොරකම් කිරීමේ තත්වයකට හොදම උදාහරණය නිරෑපීකාවක වන පියුමි හංසමාලිගේ රෑපය වැරදි ලෙස භාවිතා කිරීමයි.
සැඟවුණු අරමුණු
මතුපිටින් බලන විට මෙය ලංකාවේ පුද්ගල ස්වරෑප හරහා ඉන්දියාව ඉලක්ක කර ගැනීමේ කුඩා උත්සාහයක් ලෙස පෙනේ. එහෙත් මේ පිටුපස ඇති සැබෑ අරමුණු වඩාත් බිහිසුණුය. ඉන්දියාවේ පොදු සමාජය සදහා මෙය දිස්වන්නේ ලාංකික පුද්ගලයෙක් ඉන්දියාවට බොරු චෝදනා කරන බවයි. ඊට පිළිතුරැ වශයෙන් ඔවුන් තමන් විසින් දරැණු චෝදනා වලට යොමු විය හැකිය. කෙසේ වෙතත් මෙහිදී ඉලක්ක වනු ඇත්තේ මීට සම්බන්ධ විශේෂිත හසුරු පමණක් නොව පොදුවේ සියලු ලාංකිකයන් වන අතර එමඟින් තවත් පළිගැනීමේ රටාවක් නිර්මාණය විය හැකිය.
ඒ අනුව මෙහිදී වටහාගත යුතු වන්නේ මෙම ව්‍යාජ පුවත් නිර්මාණකරැවන්ගේ පරමාර්ථය වන්නේ දෙරටේ සමාජ මාධ්‍ය භාවිතා කරන්නන් අතර අදාළ නොමැති ගැටුමක් නිර්මාණය කර එය රටවල් දෙක අතර අදාළ නොමැති ගැටුමක් දක්වා වර්ධනය කර වීම විය හැකිය.
පහත දැක්වෙන්නේ එළෙස නිර්මාණය කරන ලද ව්‍යාජ ගිණුමක හැසිරිමයි.
නේපාල උදාහරණය
මෙම අත්හදා බැලීම ලංකාවට පමණක් සීමා නොවී නේපාලය, බංග්ලාදේශය සහ මාලදිවයින ඇතුළු අනෙකුත් රටවල ද පුනරාවර්තනය වී ඇත. මේ සෑම ස්ථානයකම මෙම භයානක උපාය එලෙසම යොදාගෙන තිබේ. පාකිස්තාන ගිණුමක් නේපාල එකක් ලෙස වංචනිතව යොදාගෙන ඉන්දියානු පරිශීලකයින් කුපිත කිරීම සඳහා යොදාගනියි.
මෙම වංචනික කටයුත්ත ඇදහිය නොහැකි තරම් පලදායී විය හැකි බව මෑතකදී ඉන්දියාව සහ නේපාලය අතර පැවති දේශසීමා ආරවුලකදී දක්නට ලැබුණි. එහිදී වංචනික පාකිස්තාන හැසිරවීම් ඉන්දියාවවේ මෙන්ම නේපාලයේද සමාජ ජාලා පරිශිලකයන් අර්බුදයට ලක්කරන ලදී. කෙසේ වෙතත් ඉන්දියාවේ සහ නේපාලයේ පොදු සමාජ ජාලා පරිශීලකයින් මෙම හසුරුවීම් පිටුපස සිටින සැබෑ නළුවන් පාකිස්තානුවන් බව වටහාගෙන නැත. අවසානයේ මෙය රටවල් දෙකක සමාජ ජාලා භාවිතා කරන්නන් අතර පුර්ණ සමාජ මාධ්‍ය යුද්ධයක් දක්වා වර්ධනය වනු ලැබිණ.
රජයේ සහභාගීත්වය
තැතිගන්වනසුලු හෙළිදරව්වක් මෙම වාර්තාව මගින් සිදුකර තිබේ. එය නම් පාකිස්තානයේ මෙම දුස් තොරතුරු යුද්ධය සිදුකරන්නේ පොදු ජනතාව අතර සිටින සමාජ ජාලා භාවිතා කරන්නන් නොව, පාකිස්තාන කැබිනට් ඇමතිවරයෙකු වන ජහංගීර් ඛාන් සහ පාලක පීටීඅයි පක්ෂයේ සමාජ ජාලා සාමාජිකයන් විසින් බවයි. ඔවුන් ඒ සදහා බොරැ දකුණු ආසියානු සංවිධානයක් , දකුණු ආසියානු සමාජ ජාලාකරැවන්ගේ සංසංදය (SAUSMF) නමින් නිර්මාණය කරනු ලැබ තිබේ.
හෙළිදරව්වීම
ආදඵ වාර්තාව මගින් මෙම කරැණු හෙළිදරව් කිරීමෙන් පසු ට්විටර් කඩිනමින් කටයුතු කර ඇති අතර ව්‍යාජ ලාංකික හසුරුවීම් වන අමන්දා චතු ඇතුළු හැසිරවීම් කිහිපයක් අත්හිටුවා තිබේ. කෙසේ වෙතත්, තවත් ඒ හා සමාන සමාන ව්‍යාජ හැසිරවීම් කිහිපයක් තිබිය හැකි අතර, ලංකාවේ ස්වරෑපයන් පිටුපස සැඟවී ඇති ඒවා තවදුරටත් හෙළිදරව් කිරීම අනිවාර්ය විය යුතුය. . එලෙසම, මෙම වාර්තාවේ නිරාවරණයෙන් පසුව, SAUSMF වෙබ් අඩවිය තායින්ස්ගේ සේවාදායකයෙන් ඉවත් කර නොයිඩා (ඉන්දියාව) පදනම් කරගත් සමාගමක් සමඟ හවුල් සත්කාරකත්වය ලබා ඇත. මෙය වර්තමාන පැවැත්ම සැඟවීමට වීමේ උත්සාහයක් විය හැකි නමුත්, මෙම වේදිකාව තවදුරටත් අනිසි ලෙස භාවිතා කිරීමේ තර්ජනය එළෙසම පවතී.
ලංකාව සඳහා පාඩම්
පාකිස්තානය මෙම තොරතුරු යුද්ධය දියුණු කර ඇතත් ලංකා සමාජ ජාලා අවකාශය එවැනි දුස් තොරතුරැ යුද්දයක් සදහා සූදානම්ද? මෙතෙක් නිරාවරණය නොවූවත්, ලංකාව ඉලක්ක කරගත් මේ හා සමාන තොරතුරු යුද උපායන් තිබිය හැකිය. එය වටහාගෙන සමාජ ජාලා දුස් තොරතුරැ උවදුර පිළිබඳව දැනුවත්භාවය ගොඩනැගීම රජය වෙනුවෙන් මෙන්ම පරිශීලකය වෙනුවෙන්ද සිදුකිරීම හදිසි කටයුත්තකි.
5 වන පරම්පරාවේ යුද්ධයේ වයස: ලංකාව සූදානම් ද?
සමස්ත දකුණු ආසියාවම 5 වන පරම්පරාවේ යුද්ධයට ස්ම්බන්ධ කොටගෙන ඇති බව පෙනී යන අතර එය මෙම වාර්තාවේ මාතෘකාව ද වේ. . අද වන විට එහි මූලික ඉලක්කය ඉන්දියාව වුවත් ඉදිරයේදී ඕනෑම රටක් සහ පුද්ගලයෙක් මෙම සමාජ ජාලා දුස් තොරතුරැ යුද්ධයේ ගොදුරක් විය හැකිය. එබැවින් එකිනෙකාට එරෙහිව තොරතුරු යුද්ධය දුරලීම සදහා යම් ආකාරයක ඒකාබද්ධ යාන්තරණයක් ඇති කර ගැනීම අද දකුණු ආසියාවේ මූලිකම උවමනාවක් වී තිබේ.
සම්පූර්ණ වාර්තාව සදහා https://thedisinfolab.org/the-anatomy-of-pakistans-5th-generation-warfare/ පිවිසෙන්න. Twitter handle @DisInfoLab)
