2022 වර්ෂය සඳහා මුදල් අමාත්‍ය බැසිල් රාජපක්ෂ මහතා විසින් විදිරිපත් වන අයවැය හරහා වහාම ක්‍රියාත්මක වන පරිදි සුරාබද්ද වැඩි කිරීමට යෝජනා කෙරුණු අතර එමඟින් අපේක්ෂිත ආදායම රුපියල් බිලියන 25ක්.
මෙම සංශෝධනයට අනුව දේශීයව නිෂ්පාදිත අතිවිශේෂ අරක්කු මිලිලීටර් 750ක බෝතලයක සුරාබදු මිල රුපියල් 96.14කින් ඉහළ නැංවෙන අතර තල් සහ පොල් අරක්කු බෝතලයක සුරාබද්ද ඉහළ නැංවෙන්නේ රුපියල් 103 කින්.
දේශීය වශයෙන් නිෂ්පාදිත විදේශීය මත්පැන් බෝතලයක බදු මිල රුපියල් 126.84කින් ඉහළ නැංවෙනවා. එමෙන්ම සැර 18%ට වැඩි විදේශීය වයින් බෝතලයක බදු මිල ඉහළ දමා ඇත්තේ රුපියල් 14.40කින්.
සැර 5%ට අඩු බියර් මිලි ලීටර් 625ක කෑන් 1ක බදු මිල රුපියල් 3.10කින් හා සැර 5%ට වැඩි බියර් කෑන් 1ක බදු මිල රුපියල් 14කින් ඉහළ නැංවීමටයි සුරාබදු දෙපාර්තමේන්තුව පියවර ගෙන ඇත්තේ.
