අට වසරකට පසු පැවැත්වෙන ශූරයන්ගේ කුසලාන ක්‍රිකට් තරගාවලියේ (Champions Trophy) ජයග්‍රාහකයන් වෙනුවෙන් දැවැන්ත මුදල් ත්‍යාග ලබා දීමට ජාත්‍යන්තර ක්‍රිකට් කවුන්සිලය තීරණය කර තිබෙනවා.
ඒ අනුව, එම මුදල් ත්‍යාග සඳහා වෙන්කර ඇති මුදල අමෙරිකානු ඩොලර් මිලියන 2.24ක්.
මේ අතර, තරගාවලියේ එක් එක් අදියරයන් වෙනුවෙන්ද අමෙරිකානු ඩොලර් මිලියන 6.9ක මුදලක් වෙන්කර තිබෙනවා.
ඒ අනුව වසර 08කට පෙර පැවති තරගාවලියට වෙන්කළ මුදලට වඩා 53%කට වඩා වැඩි මුදලක් මෙවර ශූරයන්ගේ කුසලාන තරගාවලියට වෙන්කර තිබීම විශේෂත්වයක්.
මෙම තරගාවලියේ අනුශූරයින් වෙනුවෙන් ඩොලර් මිලියන 1.12ක මුදලක් වෙන්කර තිබෙනවා.
මීට අමතරව අවසන් පූර්ව වටයේදී පරාජයවන කණ්ඩායම් දෙකට ඩොලර් 560,000 බැගින් වෙන්කිරීමටද ජාත්‍යන්තර ක්‍රිකට් කවුන්සිලය කටයුතු කර තිබෙනවා.
මෙම තරගාවලිය ක්‍රිකට් කණ්ඩායම් 08ක සහභාගිත්වයෙන් පැවැත්වෙන අතර මූලික වටය කණ්ඩායම් 4 බැගින් කාණ්ඩ දෙකක් යටතේ පැවැත්වීමට නියමිතයි.
එම සෑම කාණ්ඩයකම තරග ජයග්‍රහණයක් වෙනුවෙන්ම අමෙරිකානු ඩොලර් 34,000ක මුදලක් වෙන්කර තිබෙනවා.
එමෙන්ම, තරගාවලියේ 05වන සහ 06වන ස්ථාන ලබා ගන්නා කණ්ඩායම් දෙක සඳහා ඩොලර් 350,000 බැගින් ලබාදීමටත් නියමිතයි.
ඊට අමතරව, 07වන සහ 08වන ස්ථාන ලබා ගන්නා කණ්ඩායම්වලට ඩොලර් 140,000 බැගින් වෙන්කර තිබෙනවා.
එමෙන්ම, මෙවර ශූරයන්ගේ කුසලානයට සුදුසුකම් ලබන සෑම කණ්ඩායමකටම ඩොලර් 125,000 බැගින් ලබාදීමටයි ය තීරණය කර ඇත්තේ.
ශූරයන්ගේ කුසලාන ක්‍රිකට් තරගාවලිය ලබන ජනවාරි 19වනදා පාකිස්තානයේදී ආරම්භවීමට නියමිතවයි.
