29 C
Colombo
Tuesday, October 4, 2022

පාස්කු ප්‍රහාරය එල්ල කිරීමට සම්බන්ධ අයවත් මං වගේ රස්තියාදු වුණේ නැහැ – සිරිල් ගාමිණි පියතුමා

- Advertisement -

පාස්කු ඉරුදින ත්‍රස්ත ප්‍රහාරය එල්ල කිරීමට සම්බන්ධ පුද්ගලයින්වත් තමන් මෙන් රස්තියාදු නොවූ බව ගරු සිරිල් ගාමිණි පියතුමන් පවසනවා.

පියතුමන් මේ බව පැවසුවේ ඊයේ (16) දෙවන දිනටත් අපරාධ පරික්ෂණ දෙපාර්තමේන්තුව හමුවේ පැය 8කට වැඩි කාලයක් ප්‍රකාශයක් ලබාදීමෙන් පසු පිටතට පැමිණ මාධ්‍ය වෙත අදහස් දක්වමින්.

පාස්කු ඉරුදින ත්‍රස්ත ප්‍රහාරය එල්ල කළ ත්‍රස්තවාදීන්ට මෙරට වත්මන් බුද්ධි අධ්‍යක්ෂ මේජර් ජනරාල් සුරේෂ් සලේ ඇතුළු බුද්ධි අංශ අනුග්‍රහය දක්වා ඇති බවට ගරු සිරිල් ගාමිණි පියතුමන් සිදුකළ ප්‍රකාශය සම්බන්ධයෙන් පෙරේදා (15) මුල්වරට අපරාධ පරීක්ෂණ දෙපාර්තමේන්තුව පියතුමන්ගෙන් පැය 8කට ආසන්න කාලයක් ප්‍රකාශ සනිටුවන් කර ගත්තා.

අනතුරුව ඊයේ දිනයේ යළි ප්‍රකාශ සටහන් කර ගැනීමට පියතුමන්ව අපරාධ පරික්ෂණ දෙපාර්තමේන්තුවට කැදවා තිබු අතර පෙරවරු. 9.45 සිට පස්වරු 6.15 පමණ දක්වා පැය 8කට වැඩි කාලයක් අද දිනයේද ප්‍රකාශ සටහන් කර ගැනුනා.

ඒ අනුව අදාළ ප්‍රකාශය සම්බන්ධයෙන් අපරාධ පරීක්ෂණ දෙපාර්තමේන්තුව ආසන්න වශයෙන් පැය 15කට ආසන්න කාලයක් පියතුමන්ගෙන් ප්‍රකාශ සටහන් කරගෙන තිබෙනවා.

කෙසේ වෙතත් ඊයේ දින ප්‍රකාශ සටහන් කරගැනීමෙන් පසු අද දිනයේ තෙවන දිනටත් පැමිණෙන ලෙස අපරාධ පරික්ෂණ දෙපාර්තමේන්තුව සිදුකළ ඉල්ලීම සිරිල් ගාමිණි පියතුමන් ප්‍රතික්ෂේප කර තිබෙනවා.

ඒ සම්බන්ධයෙන් මාධ්‍ය වෙත අදහස් දක්වමින් පියතුමන් සඳහන් කළේ තෙවන දිනටත් ගෙන්වීම තුළ තමන්ව අපහසුතාවයට පත් කිරීමට උත්සහා දරන්නාක් මෙන් හැගීමක් මතුවූ බැවින් එම ඉල්ලීම ප්‍රතික්ෂේප කළ බවයි.

එහිදි වැඩිදුරටත් මාධ්‍ය වෙත අදහස් දක්වමින් පියතුමන් කියා සිටියේ පාස්කු ඉරුදින ත්‍රස්ත ප්‍රහාරය පිටුපස මහා කුමන්ත්‍රණයක් ඇති බව ප්‍රකාශ කළ හිටපු නීතිපති දප්පුල ද ලිවේරා මහතාව මෙතෙක් කිසිදු ප්‍රශ්න කිරීමකට ලක් නොකර ඇති වටපිටාවක සහ ජනාධිපති කොමිසමේ නිර්දේශ අනුව හිටපු ජනාධිපති මෛත්‍රීපාල සිරිසේන මහතාට සහ රාජ්‍ය බුද්ධි සේවයේ හිටපු අධ්‍යක්ෂ නිලන්ත ජයවර්ධනට එරෙහිව මෙතෙක් නීතිය ක්‍රියාත්මක කර නොමැති වාතාවරණයක වින්දිතයන් වන තමන්ව රස්තියාදු කිරීමට මේ ගෙනයන්නාවු ක්‍රියාදාමය පිළිකුලෙන් හෙළා දකින බවයි.


RECENT ARTICLES - SINHALA

කෝප් කමිටුවෙන් හර්ෂ ඉල්ලා අස්වෙයි

තමන් කෝප් කමිටුවෙන් ඉල්ලා අස්වන බවට සමගි ජනබලවේගය පක්ෂයේ පාර්ලිමේන්තු මන්ත්‍රී හර්ෂ ද සිල්වා මහතා පවසනවා. ට්විටර් පණිවුඩයක් නිකුත්...

Breaking: සුදේව හෙට්ටිආරච්චි ස්වර්ණවාහිනියෙන් ඉල්ලා අස්වෙයි

0
ස්වර්ණවාහිනී නාලිකාවේ විධායක අධ්‍යක්ෂ්‍යවරයා ලෙස කටයුතු කළ සුදේව හෙට්ටිආරච්චි මහතා එම තනතුරින් ඉල්ලා අස්වී තිබෙනවා. ඒ අනුව සිය ඉල්ලා...

අත්‍යාවශ්‍ය සේවා නම් කරමින් රනිල්ගෙන් තවත් ගැසට්ටුවක්

සාමාන්‍ය ජන ජීවිතය පවත්වාගෙන යාම සඳහා අත්‍යවශ්‍ය වන බවට හඳුනාගත් සේවාවන් කිහිපයක් හඳුනාගනිමින් ඒවා සඳහා අතිවිශේෂ ගැසට්ටුවක් නිකුත් වී තිබෙනවා.

RECENT ARTICLES - ENGLISH

Tom Moody and Sri Lanka Cricket to part ways

0
Former Sri Lankan Head Coach Tom Moody, who joined Sri Lanka Cricket once again last year as the director of cricket for...

Temples to switch off lights on Poya Day to protest tariff hike?

0
A proposal has been presented to the Central Province Maha Sangha Sabha to turn off the lights within all temples across the...

Horrific details about captivity of 7 Sri Lankans by Russian soldiers revealed

0
A Ukrainian journalist and the Kharkiv region’s police have disclosed appalling details about the torture the seven Sri Lankans endured while they...