ජාතික මැණික් හා ස්වර්ණාභරණ අධිකාරිය සතුව තිබු මිල කළ නොහැකි වටිනා මැණික් 3ක් ඒවායේ ආරක්ෂාව සඳහා ලංකා බැංකුවට අයත් සේප්පුවක තැන්පත් කිරීමට රැගෙන ගොස් තිබෙනවා.
මෙම මැණික් මෙලෙස ලංකා බැංකු සේප්පුව වෙත මාරුකිරීමට හේතු වූයේ පසුගියදා කොල්ලුපිටියේ පිහිටි ජාතික මැණික් හා ස්වර්ණාභරණ අධිකාරි ගොඩනැගිල්ල ගිලාබැසීමේ අවධානමකට ලක්වීමත් සමඟයි.
මේ හේතුවෙන් අදාළ ගොඩනැගිල්ලේ සියලු කටයුතු තාවකාලිකව අත්හිටුුවීමට බලධාරීන් කටයුතු කළා.
එම අධිකාරියට අයත් නව ගොඩනැගිල්ල නාරාහේන්පිට පිහිටි මැණික් හා ස්වර්ණාභරණ ආශ්‍රිත කර්මාන්ත රාජ්‍ය අමාත්‍යාංශ භූමියේ ස්ථාපිත කෙරෙමින් පවතිනවා.
එම කටයුතු නිමාවන තෙක් ජාතික මැණික් හා ස්වර්ණාභරණ අධිකාරිය සතුව තිබු ලොව වටිනාම මිල කළ නොහැකි බව පැවසෙන මෙම මැණික් 3 මැණික් හා ස්වර්ණාභරණ ආශ්‍රිත කර්මාන්ත රාජ්‍ය අමාත්‍ය ලොහාන් රත්වත්තේ මහතාගේ උපදෙස් පරිදි විශේෂ කාර්ය බළකා සෙබළුන්ගේ ආරක්ෂාව මධ්‍යයේ ඊයේ ලංකා බැංකු ප්‍රධාන ගොඩනැගිල්ල වෙත ඊයේ (19) රැගෙන ගියා.
